ရန်ကုန်မြို့မှာ မိုးသီးတွေကြွေကျ၊ ကွက်ကျားမိုး​ရွာပြီး  ပိ​တောက်ပန်းတွေ ပွင့်နေလို့ တောင်ဥက္ကလာပမြို့နယ် နန္ဒဝန်ဈေးရှေ့မှာ ပိတောက်ပန်းတွေ ရောင်းချနေတာ  မြင်တွေ့ရပါတယ်။

မတ် ၁၂ ရက်ကတည်းကစလို့ ​တောင်တရုတ်ပင်လယ်အတွင်း အ​ရှေ့​မြောက် ​မုတ်သုံလေစီး​ကြောင်း တိုက်ခတ်မှုနဲ့အတူ ထိုင်းနိုင်ငံဘက်က ဝင်​ရောက်လာတဲ့ မိုးတိမ်​တွေနဲ့ မြန်မာနိုင်ငံ​တောင်ပိုင်းက ဝင်​ရောက်လာတဲ့ မိုးတိမ်​တွေ​ကြောင့် နေရာတချို့မှာ စိုက်ဆင်း​လေ​တွေနဲ့ မိုးရွာသွန်းတာ​တွေအပြင် ကြီးမားတဲ့ မိုးသီးတွေ ​ကြွေကျခဲ့ပါတယ်။

အခုလို မတ်လလယ်မှာ အပင်ငယ် ပိ​တောက်​တွေသာ ရွက်​ကြွေ​စောပြီး အဖူးတင်​လေ့ရှိတာမို့ ​အခု​လို လေပြင်းကျ၊ မိုးသီး​ကြွေပြီး ကွက်ကျားမိုး​တွေရွာချိန်မှာ ပိ​တောက်​တွေ ပင်လုံးကျွတ် ပွင့်လာတာ ဖြစ်ပါတယ်။

ရန်ကုန်မြို့လယ်က သက်တမ်းရင့် ပိတောက်ပင်ကြီး​တွေမှာ​တော့ အရွက်​ကြွေ​နေဆဲဖြစ်ပြီး အဖူးဝင်စပဲ ရှိ​သေးတာမို့ ရန်ကုန်မြို့လယ်ကလွဲလို့ အပင်သစ်​တွေ စိုက်ပျိုးနိုင်တဲ့ ​နေရာအ​တော်များများမှာ ပင်ပျိုပိ​တောက်​တွေ ပွင့်လာကြတာ ဖြစ်ပါတယ်။

မြို့​တော်ခန်းမ​ရှေ့မှာလည်း မြို့​တော်ဝန်မဟာသင်္ကြန်မဏ္ဍပ်ကို စတင်​ဆောက်လုပ်​နေပြီး မဟာသင်္ကြန်ပွဲ​တော်ကို စည်စည်ကားကား ကျင်းပသွားမယ်လို့ အာဏာသိမ်းအစိုးရက ထုတ်ပြန်ထားပါတယ်။