တနင်္သာရီတိုင်း၊ မြိတ်မြို့မှာ ဂျပန်စာသင်တန်းကျောင်း အေဂျင်စီတခုက ဂျပန်နိုင်ငံကို သွားမယ့်လူငယ်တွေဆီက ငွေကြေးအမြောက်အမြား ကြိုတင်တောင်းခံပြီး လိမ်လည်မှုဖြစ်ပွားခဲ့တယ်လို့ မြို့ခံတွေက ပြောပါတယ်။
ကျောင်းသားမိဘတယောက်က “သင်တန်းစအပ်ကတည်းက အေဂျင်စီဖိုး သိန်း ၅၀ နဲ့ Show money ပြဖို့ သိန်း ၁၀၀ ပေးရတယ်။ နောက်ပြီး ကျောင်းသားတွေဆီက အကြောင်းအမျိုးမျိုးပြပြီး ပိုက်ဆံတွေ သိန်းရာချီ ထပ်တောင်းတယ်။ ပိုက်ဆံမပေးရင် ဂျပန်ကို မထွက်ရဘူးလို့ ကျောင်းသားတွေကို အမျိုးမျိုးခြမ်းခြောက်တယ်။ အေဂျင်စီမကောင်းကြောင်းပြောရင် စစ်တပ်နဲ့ ခြိမ်းခြောက်တယ်” လို့ ပြောပါတယ်။
လက်ရှိမှာ အေဂျင်စီရဲ့ CEO ဖြစ်သူ မထက်ထက်မမျိုးဦးဟာ မတ် ၁၂ ရက်နေ့ကတည်းက ဘန်ကောက်ဘက်ကို ထွက်ပြေးတိမ်းရှောင်သွားပြီး သင်တန်းကျောင်းရဲ့ လူမှုကွန်ရက်စာမျက်နှာကိုလည်း ပိတ်ချသွားခဲ့တယ်လို့ ကျောင်းသားမိဘတွေဆီက သိရပါတယ်။
အဆိုပါ အေဂျင်စီဟာ မြိတ်မြို့အပြင် ထားဝယ်၊ မော်လမြိုင်၊ ရန်ကုန်တွေမှာပါ သင်တန်းခွဲတွေ ဖွင့်ထားပြီး ထားဝယ်ဘက်မှာလည်း ကျောင်းသားတွေရဲ့ နစ်နာမှုတန်ဖိုး ကျပ်သိန်း ၂ သောင်းကျော် ရှိတယ်လို့ ကျောင်းသားမိဘတွေဆီက သိရပါတယ်။
ဂျပန်နိုင်ငံကို ကျောင်းဗီဇာနဲ့ သွားရောက်ရာမှာ ပုံမှန်လုပ်ထုံးလုပ်နည်းအရ နေထိုင်ခွင့်လက်မှတ် (COE) မကျမီကာလအတွင်း အေဂျင်စီကို ဝန်ဆောင်မှုကြေးနဲ့ စာရွက်စာတမ်းကြေးအဖြစ် အများဆုံး မြန်မာငွေကျပ် ၃၀ ဝန်းကျင်သာ ပေးသွင်းရတယ်လို့ ဂျပန်ရောက်နေသူတွေက ပြောပါတယ်။Photo : Future Japanese Language Center
