ကစားသမားဘဝ သွင်းဂိုး ၉၀၀ ပြည့်ရန် ၁ ဂိုးသာ လိုတော့သည့် မက်ဆီ
DVB
·
March 8, 2026
ဒီစီယူနိုက်တက်နဲ့ပွဲမှာ ဂိုးသွင်းခဲ့တဲ့ အသက် ၃၈ နှစ်အရွယ် မက်ဆီဟာ ကစားသမားဘဝ သွင်းဂိုး ၉၀၀ ပြည့်ဖို့ တဂိုးသာ လိုပါတော့တယ်။
သူဟာ အင်တာမိုင်ယာမီအတွက် ၈၀ ဂိုး၊ ဘာစီလိုနာအတွက် ၆၇၂ ဂိုး၊ PSG အတွက် ၃၂ ဂိုးနဲ့ အာဂျင်တီးနားအတွက် ၁၁၅ ဂိုး သွင်းယူထားတာပါ။
မက်ဆီဟာ လာမဲ့ မတ် ၁၁ ရက် ကစားမဲ့ နက်ရှ်ဗီးလ်နဲ့ပွဲမှာ ၉၀၀ မြောက်ဂိုးကို သွင်းယူနိုင်ဖို့ အခွင့်အရေး ရရှိမှာ ဖြစ်ပါတယ်။
တကယ်လို့ ၉၀၀ ပြည့်ခဲ့ရင် ၂၀၂၄ စက်တင်ဘာမှာ အဆိုပါမှတ်တိုင်ကို ရောက်ခဲ့တဲ့ စီရော်နယ်ဒိုရဲ့ နောက်မှာ ပူးတွဲရပ်တည်နိုင်မှာပါ။
၈ ကြိမ်မြောက် ဘလွန်ဒီအောဆုရှင် မက်ဆီအနေနဲ့ အဆိုပါ မှတ်တိုင်သစ်ကို မျှော်လင့်ထားသလို ရောက်ရှိနိုင်မလားဆိုတာ စောင့်ကြည့်ရမှာ ဖြစ်ပါတယ်။
