အိန္ဒိယနဲ့ ဂျပန်တို့ဟာ အိန္ဒိယမြောက်ပိုင်း ဥတ္တရာခန်းပြည်နယ်ရှိ နိုင်ငံခြားလေ့ကျင့်ရေးဌာနမှာ ဖေဖော်ဝါရီ ၂၄ ရက်က ၇ ကြိမ်မြောက် နှစ်ပတ်လည် ပူးတွဲစစ်ရေးလေ့ကျင့်ခန်းကို စတင်ခဲ့ပါတယ်။
‘ဓမ္မကို စောင့်ရှောက်သူ’ လို့ လူသိများတဲ့ ပူးတွဲစစ်ရေးလေ့ကျင့်ခန်းကို ဂျပန်နိုင်ငံ အရှေ့ဖူဂျီဒေသမှာ နောက်ဆုံး လေ့ကျင့်ခဲ့တာပါ။
အခုလေ့ကျင့်ခန်းကို ဖေဖော်ဝါရီ ၂၄ ရက်ကနေ မတ် ၉ ရက်အထိ လေ့ကျင့်မှာဖြစ်ပြီး နှစ်ဖက်စလုံးက ဝန်ထမ်းအယောက် ၁၂၀ စီ စုစည်းမှာ ဖြစ်ပါတယ်။
ဒီလေ့ကျင့်ခန်းကို အိန္ဒိယနဲ့ ဂျပန်အကြား အလှည့်ကျလုပ်ပြီး နှစ်နိုင်ငံ ကာကွယ်ရေး ပူးပေါင်းဆောင်ရွက်မှုရဲ့ အဓိက အစိတ်အပိုင်းတခုအဖြစ် သတ်မှတ်ကြပါတယ်။
ဒီလေ့ကျင့်ခန်းရဲ့ ရည်ရွယ်ချက်က အိန္ဒိယနဲ့ ဂျပန်တပ်ဖွဲ့တွေကြား အပြန်အလှန် ဆောင်ရွက်နိုင်စွမ်းနဲ့ ပူးတွဲဆောင်ရွက်နိုင်စွမ်းတွေကို အားကောင်းစေဖို့ ဖြစ်တယ်လို့ အိန္ဒိယနိုင်ငံပိုင် သတင်းဌာနဖြစ်တဲ့ သတင်းစာပြန်ကြားရေးဗျူရိုက ပြောပါတယ်။
Source: Reuters
