နယူးကာဆယ်အသင်းဟာ ကာရာဘတ်အသင်းကို ၃ ဂိုး - ၂ ဂိုး၊ နှစ်ကျော့ပေါင်း ရလဒ် (၉-၃) ဂိုးနဲ့ အနိုင်ယူပြီး အသင်းသမိုင်းမှာ ပထမဆုံးအကြိမ်အဖြစ် ချန်ပီယံလိဂ် ၁၆ သင်းအဆင့်ကို တက်လှမ်းနိုင်ခဲ့ပါတယ်။
ဒီမနက်အစောပိုင်းက ပွဲစဉ်မှာ ပွဲစပြီး ၆ မိနစ်အတွင်းမှာတင် တိုနာလီနဲ့ ဂျိုးလင်တန်တို့က အမြန်ဆုံး ဦးဆောင်ဂိုးတွေ သွင်းယူကာ ပွဲကို အစောကြီး အဆုံးသတ်ပေးခဲ့တာပါ။
အသင်းရဲ့ အဓိကကစားသမား တိုနာလီဟာ နောက်ဆုံး ၄ ပွဲမှာ ၃ ဂိုးအထိ သွင်းယူကာ အကောင်းဆုံးပုံစံ ပြန်ရနေသလို ခံစစ်မှူး ဘော့တ်မန်းကလည်း ခေါင်းတိုက်ဂိုး တဂိုး ထပ်မံသွင်းယူခဲ့ပါတယ်။
ချန်ပီယံလိဂ် သွင်းဂိုး ၁၀ ဂိုးအထိ ရှိထားတဲ့ အန်တိုနီဂေါ်ဒန်ဟာ ဒုတိယပိုင်းမှာ လူစားဝင်လာပြီး ပြိုင်ဘက်ခံစစ်ကို အဆက်မပြတ် ခြိမ်းခြောက်နိုင်ခဲ့ပါတယ်။
နည်းပြအက်ဒီဟောင်းကတော့ အသင်းရဲ့ ခြေစွမ်းအပေါ် ယုံကြည်မှုအပြည့်ရှိနေပြီး ဘယ်ပြိုင်ဘက်နဲ့မဆို ရင်ဆိုင်ဖို့ အသင့်ရှိနေကြောင်း ပွဲအပြီးမှာ ပြောပါတယ်။
လာမဲ့ ၁၆ သင်းအဆင့် မဲခွဲပွဲမှာတော့ နယူးကာဆယ်ဟာ ဘာစီလိုနာ ဒါမှမဟုတ် ချဲလ်ဆီးအသင်းတို့နဲ့ ရင်ဆိုင်ရမှာ ဖြစ်ပါတယ်။
