ရုရှားသမ္မတ ဗလာဒီမာပူတင်က ယူကရိန်းနိုင်ငံမှာ ကျဆုံးသွားတဲ့ ရုရှားစစ်မှုထမ်းတွေရဲ့ မိသားစုဝင်တွေနဲ့  ဖေဖော်ဝါရီ ၂၃ ရက်မှာ တွေ့ဆုံခဲ့ပါတယ်။

အဲဒီနေ့ဟာ လက်နက်ကိုင်တပ်ဖွဲ့တွေမှာ တာဝန်ထမ်းဆောင်နေသူတွေနဲ့ စစ်မှုထမ်းဟောင်းတွေကို ဂုဏ်ပြုတဲ့ အစိုးရရုံးပိတ်ရက်လည်း ဖြစ်ပါတယ်။

ပူတင်က “ကျနော် ခင်ဗျားနဲ့ အထူးသဖြင့် ဖေဖော်ဝါရီလ ၂၃ ရက်၊ ဖခင်နိုင်ငံတော်နေ့မှာ တွေ့ဆုံချင်ခဲ့တာ၊ ဘာလို့လဲဆိုတော့ ကျနော်တို့ရဲ့ စစ်မှုထမ်းတွေနဲ့ အရာရှိတွေရဲ့ မိသားစုဝင်တွေအနေနဲ့ ဒီနေ့နဲ့ အမြဲတမ်း တိုက်ရိုက်ဆက်သွယ်မှု ရှိနေလို့ပါ” လို့ ပြောပါတယ်။

“ဝမ်းနည်းစရာကောင်းတာက ခင်ဗျားတို့ရဲ့ ကိုယ်ပိုင် ကာကွယ်သူတွေ၊ ခင်ဗျားတို့ရဲ့ မိသားစုတွေရဲ့ ကာကွယ်သူတွေဟာ ခင်ဗျားတို့နဲ့အတူ မရှိတော့ပါဘူး။ ဒါပေမဲ့ သူတို့ အသက်ပေးခဲ့ကြရတဲ့ ဖခင်နိုင်ငံတော်ကတော့ ခင်ဗျားတို့ဘက်မှာ အမြဲရှိနေမှာပါ” လို့ ပူတင်က ဆက်ပြောပါတယ်။

အရင်က ပူတင်ဟာ ကရင်မလင် နန်းတော်နားက ပန်းခွေချပွဲကို တက်ရောက်ခဲ့ပြီး စစ်မှုထမ်းတွေကို ဆုချီးမြှင့်ခဲ့ပါတယ်။

အဖမြေကို ကာကွယ်သူများနေ့ အထိမ်းအမှတ် အခမ်းအနားတွေကို ယူကရိန်းနိုင်ငံမှာ ရုရှားရဲ့ ‘အထူးစစ်ရေးစစ်ဆင်ရေး’ စတင်တဲ့ ၄ နှစ်ပြည့် အထိမ်းအမှတ်နေ့ မတိုင်မီ တရက်အလိုမှာ ဆင်နွှဲခဲ့တာလည်း ဖြစ်ပါတယ်။

Source: Reuters