မက္ကဆီကို မူးယစ်ဆေးဝါး မှောင်ခိုသမား အယ်လ်မန်ချိုလို့ လူသိများတဲ့ နီမီစီယို အိုဆီဂွါရာဟာ စစ်ရေး စစ်ဆင်ရေးတရပ်အတွင်း သေဆုံးခဲ့တယ်လို့ စစ်ဆင်ရေးနဲ့ ရင်းနှီးတဲ့ အစိုးရသတင်းရင်းမြစ်တခုက ဖေဖော်ဝါရီ ၂၂ ရက်မှာ ရိုက်တာသတင်းဌာနကို ပြောပါတယ်။
မက္ကဆီကို အနောက်ပိုင်း ဂျာလစ္စကိုပြည်နယ်မှာ ပြည်ထောင်စုတပ်တွေရဲ့ စစ်ဆင်ရေးတခုကြောင့် ယာဉ်တွေမီးလောင်ပြီး လမ်းတွေပိတ်ဆို့ခဲ့ပြီးတဲ့နောက် ဒီသတင်းထွက်လာတာလို့ အုပ်ချုပ်ရေးမှူး ပါဘယ်လို လေမုစ် နာဗာရိုက ပြောပါတယ်။
တေပယ်လ်ပါမြို့မှာ စစ်ဆင်ရေးတခုကြောင့် အဲဒီဒေသနဲ့ ဂျာလစ္စကိုရဲ့ တခြားဒေသတွေမှာ ပဋိပက္ခတွေ ဖြစ်ခဲ့ပြီး ဘယ်သူဘယ်ဝါ မသိရတဲ့လူတွေက ကားတွေကို မီးရှို့ပြီး အာဏာပိုင်တွေရဲ့ လုပ်ဆောင်ချက်တွေကို တားဆီးဖို့ လမ်းတွေကို ပိတ်ဆို့ခဲ့ကြတယ်လို့ အရာရှိက ပြောခဲ့ပါတယ်။
မီချွာကန်ပြည်နယ် အုပ်ချုပ်ရေးမှူး အယ်လ်ဖရီဒို ရာမီရက်ဇ် ဘီဒိုလာက ဂျလစ္စကိုက စစ်ဆင်ရေးရဲ့ ရလဒ်အနေနဲ့ သူ့ရဲ့ တရားစီရင်ပိုင်ခွင့်အတွင်း လမ်းပိတ်တာတွေ ဖြစ်ခဲ့တယ်လို့ X လူမှုကွန်ရက်ပေါ်မှာ ရေးခဲ့ပါတယ်။
Source: Reuters
