ဘင်္ဂလားဒေ့ရှ်နိုင်ငံမှာ အတိုက်အခံပါတီဖြစ်တဲ့ ဘင်္ဂလားဒေ့ရှ် အမျိုးသားရေးပါတီ (BNP) ရဲ့ ခေါင်းဆောင် တာရစ် ရာမန်က ရွေးကောက်ပွဲမှာ အပြတ်အသတ် အနိုင်ရရှိပြီးတဲ့နောက် သူ့ပါတီက အုပ်ချုပ်ဖို့ ပြင်ဆင်နေချိန် ဖေဖော်ဝါရီ ၁၄ ရက်မှာ အမျိုးသားစည်းလုံးညီညွတ်ရေးကို တောင်းဆိုခဲ့ပါတယ်။
နိုင်ငံဟာ ပျက်စီးလွယ်တဲ့ စီးပွားရေးကိုရော အရင် အာဏာရှင်အစိုးရက ချန်ထားခဲ့တဲ့ အားနည်းတဲ့ အဖွဲ့အစည်းတွေကိုပါ ရင်ဆိုင်နေရတယ်လို့ ဝန်ခံခဲ့ပါတယ်။
၂၀၂၄ ခုနှစ်မှာ ဝန်ကြီးချုပ်ဟောင်း ရှိတ်ခ်ဟာစီနာရဲ့ အစိုးရ ပြိုလဲပြီးတဲ့နောက် ကာလကြာရှည် မငြိမ်မသက်ဖြစ်ခဲ့တာပါ။
နိုဘယ်ဆုရှင် မိုဟာမက် ယူနွတ် ဦးဆောင်တဲ့ ယာယီအစိုးရက အဲဒီအချိန်ကစပြီး တာဝန်ယူခဲ့ပါတယ်။
အဲဒီနောက် ဝန်ကြီးချုပ်ဟောင်း ခါလီဒါဇီယာနဲ့ လုပ်ကြံခံ သမ္မတဟောင်း ဇီယာရာမန်တို့ရဲ့ သားဖြစ်သူ တာရစ်ရာမန်က နိုင်ငံရေးတည်ငြိမ်မှုကို ပြန်ထူထောင်ဖို့၊ ရင်းနှီးမြှုပ်နှံသူတွေရဲ့ ယုံကြည်မှုကို ပြန်ရှင်သန်စေဖို့နဲ့ အထည်ချုပ်ကဏ္ဍ အပါအဝင် အဓိကစက်မှုလုပ်ငန်းတွေကို ပြန်တည်ဆောက်ဖို့ လက်ငင်းစိန်ခေါ်မှုတွေနဲ့ ရင်ဆိုင်နေရပါတယ်။
လပေါင်းများစွာကြာတဲ့ ဟာစီနာ ဆန့်ကျင်ရေး မငြိမ်မသက်မှုတွေဟာ နေ့စဉ်ဘဝနဲ့ အထည်ချုပ်ထုတ်လုပ်မှုအပါအဝင် စက်မှုလုပ်ငန်းတွေကို ထိခိုက်စေပြီးတဲ့နောက် လူဦးရေ ၁၇၅ သန်းရှိတဲ့ မွတ်စလင်အများစုနိုင်ငံအတွက် ရှင်းလင်းတဲ့ရလဒ်တခုက အဓိကကျတဲ့အချက်အဖြစ် မြင်နေရပါပြီ။ ဘင်္ဂလားဒေ့ရှ်နိုင်ငံဟာ ကမ္ဘာ့ဒုတိယအကြီးဆုံး အဝတ်အထည် တင်ပို့တဲ့ နိုင်ငံ ဖြစ်ပါတယ်။
Source: Reuters
