တိုက်စစ်မှူး ဒီလတ်အနေနဲ့ ချဲလ်ဆီးအသင်းဆီပြောင်းရွှေ့လာတာ မှားယွင်းကြောင်း အင်္ဂလန်နဲ့ လီဗာပူးနောက်ခံလူဟောင်း ကာရေဂါက သုံးသပ်သွားပါတယ်။
အင်္ဂလန်တိုက်စစ်မှူးဟာ မနှစ်က ရာသီက တန်းဆင်းသွားတဲ့ အစ်ဆွစ်အသင်းမှာ ပရီးမီးယားလိဂ် ၁၂ ဂိုးသွင်းခဲ့ပြီးနောက် ပေါင်သန်း ၃၀ နဲ့ ချဲလ်ဆီးအသင်းဆီ ပြောင်းရွှေ့လာခဲ့သူပါ။
အသင်းအတွက်ပြိုင်ပွဲစုံ ၂၃ ပွဲမှာ ၂ ဂိုးပဲရရှိသေးပြီး ပုံမှန်ပွဲထွက်ခွင့်လည်း မရရှိတာကြောင့် ရုန်းကန်နေရသူပါ။
ဒီယမ်ဒီလတ်အနေနဲ့ ချဲလ်ဆီးအသင်းဆီပြောင်းရွှေ့လာတာက မှားယွင်းပြီး အစ်ဆွစ်နဲ့ ချဲလ်ဆီးအ သင်းကြားမှာ ကြီးမားတဲ့ခြားနားမှုတွေ ရှိတာကြောင့် အလယ်အလတ်အသင်းတသင်းဆီကိုပဲ ပြောင်းရွှေ့ခဲ့သင့်ကြောင်း ကာရေဂါက ပြောပါတယ်။
ဒီလတ်အနေနဲ့ အဲဗာတန်အသင်းလို အသင်းတသင်းဆီပြောင်းရွှေ့မှသာ ပွဲတိုင်းပွဲထွက်ခွင့်ရပြီး စွမ်းဆောင်ရည် ပိုကောင်းလာမှာဖြစ်ကြောင်း ကာရေဂါက ပြောသွားပါတယ်။
Photo: Reuters
