တရုတ်စစ်တပ်က အကြီးတန်းဗိုလ်ချုပ်ကြီး ကျန်းယို့ရှာကို စုံစမ်းစစ်ဆေးမှုဟာ စစ်ရေးအရ ချက်ချင်း အရေးယူဖို့ မဖြစ်နိုင်ပေမဲ့ အလယ်အလတ်ကာလမှာ ထိုင်ဝမ်အပေါ် အင်အားသုံးနိုင်ခြေကို တိုးစေလိမ့်မယ်လို့ ဟဒ်ဆန် အင်စတီကျုက အကြီးတန်းအဖွဲ့ဝင် ဂျွန်လီက ရိုက်တာသတင်းဌာနကို ပြောပါတယ်။
တရုတ်ကာကွယ်ရေးဝန်ကြီးဌာနက ဇန်နဝါရီ ၂၄ ရက်မှာ တရုတ်စစ်ကော်မရှင်ရဲ့ အကြီးတန်းဒုတိယဥက္ကဋ္ဌ ကျန်းကို စည်းကမ်းနဲ့ ဥပဒေကို အပြင်းအထန် ချိုးဖောက်မှု သံသယအတွက် စုံစမ်းစစ်ဆေးနေတယ်လို့ ကြေညာခဲ့ပါတယ်။
ဒါဟာ တရုတ်ပြည်မကြီးအစိုးရက သူ့စစ်တပ်ကို ခေတ်မီအောင်လုပ်ပြီး အင်အားကို ပိုပြဖို့ ကြိုးစားနေချိန်မှာ တရုတ်အကြီးတန်းစစ်ဘက်ခေါင်းဆောင်ပိုင်းကို ဒီနေ့အထိ အမြင့်ဆုံး အထင်အရှား ရှင်းလင်းမှုဖြစ်ပါတယ်။
နောက်ထပ် အကြီးတန်းအဖွဲ့ဝင်တယောက်ဖြစ်တဲ့ CMC ရဲ့ ပူးတွဲဝန်ထမ်းဌာန အရာရှိချုပ် လူရှန်းလီကိုလည်း စုံစမ်းစစ်ဆေးခဲ့ပြီး အဖွဲ့ဝင် ၇ ယောက်ပါတဲ့ အဖွဲ့အစည်းကို ရှီကျင့်ဖျင်က ထိပ်ဆုံးကနေ ဦးဆောင်ရင်း အဖွဲ့ဝင် ၂ ယောက်အဖြစ် ထိထိရောက်ရောက် လျှော့ချခဲ့ပါတယ်။
ထိုင်ဝမ်နဲ့ ပေါင်းစည်းခြင်းက ရှီကျင့်ဖျင်ရဲ့ အမွေအနှစ်အတွက် ကိုယ်ရေးကိုယ်တာ ရည်မှန်းချက်တခု ဖြစ်တယ်လို့ လီက ပြောခဲ့ပြီး ၁၀ နှစ်လောက်အဖြစ် ကြိုတင်ခန့်မှန်းချက်ကာလကို ထည့်သွင်းပြောကြားခဲ့ပါတယ်။
တနင်္ဂနွေနေ့ထုတ် PLA Daily သတင်းစာ မျက်နှာဖုံးက အယ်ဒီတာ့အာဘော်မှာ စုံစမ်းစစ်ဆေးမှုကို အဓိကအောင်မြင်မှုတခုအဖြစ် ဖော်ပြခဲ့ပြီး ဗိုလ်ချုပ်ကြီး ၂ ယောက်ဟာ ဥက္ကဋ္ဌတာဝန်ယူမှုစနစ်ကို အပြင်းအထန် ထိခိုက်စေပြီး ချိုးဖောက်ခဲ့တယ်လို့ ပြောထားပါတယ်။
Source: Reuters
