ရာနှုန်းပြည့်နိုင်ပွဲနှင့်အတူ အာဆင်နယ်အသင်း ချန်ပီယံလိဂ် ၁၆ သင်းအဆင့် တက်ရောက်
DVB
·
January 21, 2026
အာဆင်နယ်အသင်းဟာ ရာနှုန်းပြည့်နိုင်ပွဲနဲ့အတူ ဥရောပချန်ပီယံလိဂ်ပြိုင်ပွဲရဲ့ ၁၆ သင်း အဆင့်ကို တက်ရောက်နိုင်ခဲ့ပါတယ်။
ဒီမနက်အစောပိုင်း အင်တာမီလန်နဲ့ အဝေးကွင်းပွဲစဉ် ကစားခဲ့ရပေမဲ့ ၃ ဂိုး ၁ ဂိုးနဲ့ အနိုင်ရခဲ့ပြီး ဂျေဆုက ၂ ဂိုး၊ လူစားဝင်တိုက်စစ်မှူး ယိုကရက်စ်က ၁ ဂိုးသွင်းယူခဲ့တာပါ။
အသင်းသမိုင်းတလျှောက် ချန်ပီယံလိဂ်ပြိုင်ပွဲ ၇ ပွဲဆက်တိုက် ပထမဆုံးအကြိမ် အနိုင်ရရှိခဲ့တာဖြစ်ပြီး နောက်ဆုံးပွဲမှာ ရှုံးနိမ့်ခဲ့ရင်တောင် အဆင့် ၂ နေရာမှာ ရပ်တည်နိုင်မှာပါ။
ဒီပွဲမှာ ၂ ဂိုးသွင်းခဲ့တဲ့ တိုက်စစ်မှူး ဂျေဆုက အကောင်းဆုံးကစားသမားဆု ရရှိခဲ့ပါတယ်။
ဂျေဆုဟာ မယုံကြည်နိုင်စရာ ကစားသမားဖြစ်ပြီး ပွဲကြီးပွဲကောင်းတွေဆိုရင် ပိုပြီး သက်သောင့်သက်သာရှိတဲ့ ကစားသမားဖြစ်ကြောင်းနဲ့ သွင်းဂိုးတွေမှာတင်မဟုတ်ဘဲ တပွဲလုံး အကောင်းဆုံးကစားနိုင်ခဲ့ကြောင်း နည်းပြအာတေတာက ပြောပါတယ်။
