မန္တလေး၊ ပုသိမ်ကြီးမြို့အနီး ငလျင်လှုပ်
DVB
·
January 17, 2026
မန္တလေးတိုင်း၊ ပုသိမ်ကြီးမြို့နားမှာ ဇန်နဝါရီ ၁၇ ရက် ဒီနေ့လယ် ၁ နာရီ ၄၇ မိနစ်လောက်က ရစ်ချ်တာစကေး ၄ ဒသမ ၁ အဆင့်ငလျင်တခုလှုပ်ခတ်ခဲ့တယ်လို့ အမျိုးသားညီညွတ်ရေးအစိုးရ၊ လူမှုရေးရာ၊ အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနက ထုတ်ပြန်ပါတယ်။
မြေအောက်အနက် ၁၀ ကီလိုမီတာကို ဗဟိုပြုလှုပ်ခတ်တာဖြစ်ပြီး မြေငလျင် တိုင်းတာစက်တွေက အသုံးပြုတဲ့ စကေးနဲ့ တိုင်းတာတဲ့နည်းလမ်းတို့အပေါ် မူတည်ပြီးတော့ ငလျင်အင်အားပမာဏ နည်းနည်းကွာခြားနိုင်တယ်လို့လည်း ဆိုပါတယ်။
စစ်ကောင်စီဩဇာခံ မိုးလေဝသဌာနကလည်း စစ်ကိုင်းငလျင်ကြီးရဲ့ နောက်ဆက်တွဲ မြေငလျင်သတင်းအမှတ်စဉ် ၂၆၄ အဖြစ်ထုတ်ပြန်လာပြီး မန္တလေးမြို့ရဲ့ အနောက်မြောက်ဘက် ၆ မိုင်လောက်အကွာမှာ မြေအောက်အနက် ၁၅ ကီလိုမီတာကို ဗဟိုပြုပြီး အင်အားပမာဏ ၃ ဒသမ ၈ ရစ်ချ်တာစကေးနဲ့ လှုပ်ခတ်ခဲ့တယ်လို့ ဆိုပါတယ်။
