ဗင်နီဇွဲလား အာဏာပိုင်တွေဟာ နိုင်ငံတောင်ပိုင်း ဘိုလီဗာပြည်နယ်မှာ မူးယစ်ဆေးဝါး ၆ ဒသမ ၈၅ တန်ကို သိမ်းဆည်းရမိခဲ့တယ်လို့ ပြည်ထဲရေးဝန်ကြီး ဒီယို့စ်ဒါဒို ကာဘယ်လိုက ဇန်နဝါရီ ၁၃ ရက်မှာ သတင်းထုတ်ပြန်ခဲ့ပါတယ်။

သိမ်းဆည်းရမိတဲ့ ပစ္စည်းတွေထဲမှာ ဆေးခြောက် ၁၄,၂၈၀ ထုပ်နဲ့ ကိုကင်း ၈၁ ထုပ် ပါပြီး စုစုပေါင်း အလေးချိန် ၆,၈၅၀ ကီလိုဂရမ်ရှိတဲ့ အထုပ် ၂၃၈ ထုပ် ပါတယ်လို့ ကာဘယ်လိုက ပြောပါတယ်။

စစ်ဆင်ရေးကြောင့် မှောက်သွားတဲ့ လှေတစင်း အပါအဝင် လှေ ၂ စင်းကိုလည်း သိမ်းဆည်းရမိခဲ့ပါတယ်။

ဇန်နဝါရီ ၅ ရက်က ဘိုလီဗာပြည်နယ်မှာလုပ်တဲ့ ဆိုလေဒက် စစ်ဆင်ရေးရဲ့ တစိတ်တပိုင်းအဖြစ် ဝင်ရောက်စီးနင်းမှုကို ဖော်ပြခဲ့ပါတယ်။

တနိုင်ငံလုံးမှာ ၂၀၂၆ ခုနှစ်အတွင်း ဇန်နဝါရီ ၁၃ ရက်အထိ အာဏာပိုင်တွေဟာ မူးယစ်ဆေးဝါး စုစုပေါင်း ၇,၁၄၈ ကီလိုဂရမ်ကို သိမ်းဆည်းရမိခဲ့တယ်လို့လည်း ကာဘယ်လိုက ပြောပါတယ်။

မူးယစ်ဆေးဝါး ရောင်းဝယ်မှုမှာ တရားဝင်ပါဝင်ပတ်သက်မှု စွပ်စွဲချက်တွေကိုလည်း သူက ငြင်းဆိုခဲ့ပါတယ်။

ကာတယ် ဒေလော့စ် ဆိုလက်စ်လို့ ခေါ်တဲ့အဖွဲ့က ဘယ်တုန်းကမှ မရှိခဲ့ဖူးဘဲ အမေရိကန်က ထွင်ထားတဲ့ “ဇာတ်လမ်း” တခုအဖြစ် သူက ခေါ်ဆိုခဲ့ပါတယ်။

Source: Reuters