ဂျပန်ဝန်ကြီးချုပ် ဆာနာအဲ တာကာအိချိနဲ့ တောင်ကိုရီးယားသမ္မတ အီဂျယ်မြောင် တို့ရဲ့ ထိပ်သီးဆွေးနွေးပွဲမှာ ကေပေါ့ပ် နာမည်ကြီးသီချင်းတချို့ကို ဒရမ်အတူတီးခတ်ခဲ့ကြပါတယ်။
ဇန်နဝါရီ ၁၃ ရက်က တီးခတ်မှုမှတ်တမ်းကို ၁၄ ရက် မနက်မှာ တာကာအိချိရဲ့ ယူကျုဘ်ချန်နယ်မှာ တင်ထားတာ ဖြစ်ပါတယ်။
BTS သီချင်းတွေကစလို့ Kpop Demon Hunters ဇာတ်ကားထဲက ဇာတ်ဝင်သီချင်းတွေအထိ ခေါင်းဆောင် ၂ ယောက်က ဒရမ်လက်စွမ်းပြခဲ့ကြတာပါ။
သမ္မတ အီဂျယ်မြောင်ဟာ ၅ မိနစ်၊ ၁၀ မိနစ်အတွင်း ဒရမ် ဘယ်လိုတီးရမလဲ သင်ယူနိုင်ခဲ့တယ်လို့ ဝါရင့်ဒရမ်သမားတယောက်ဖြစ်တဲ့ ဝန်ကြီးချုပ် တာကာအိချိက ချီးကျူးပါတယ်။
တီးခတ်တဲ့ စည်းဝါးတွေ ကွဲပြားပေမဲ့ နှလုံးသားတစိတ်တည်းနဲ့ အနာဂတ်ဦးတည်ချက်ရှိတဲ့ ဆက်ဆံရေးကို ဖန်တီးသွားမယ်လို့ သမ္မတအီဂျယ်မြောင်က X လူမှုကွန်ရက်မှာ ရေးသားထားပါတယ်။
တဖက်မှာလည်း ဇန်နဝါရီ ၁၂ ရက်တုန်းက ဂျာမနီအဓိပတိ ဖရိုင်းဒရစ်မာ့ဇ်ဟာ အိန္ဒိယခရီးစဉ်အတွင်း ဝန်ကြီးချုပ် နာရန်ဒြာမိုဒီနဲ့ စွန်လွှတ်ကစားခဲ့ကြပါသေးတယ်။
အိန္ဒိယနိုင်ငံ အာမက်ဒါဘတ်မြို့မှာ ကျင်းပတဲ့ အပြည်ပြည်ဆိုင်ရာ စွန်ပွဲတော်မှာ ဝင်ရောက်ဆင်နွှဲခဲ့ကြတာ ဖြစ်ပါတယ်။
ဂျာမနီအဓိပတိရဲ့ ဒီခရီးစဉ်ဟာ လုံခြုံရေး၊ ကာကွယ်ရေးနဲ့ စီးပွားရေး ပူးပေါင်းဆောင်ရွက်မှုတွေ တိုးမြှင့်ဖို့ ရည်ရွယ်တယ်လို့ သိရပါတယ်။
