ဗြိတိန်ဟာ သဘောတူညီချက်မရှိတဲ့ လိင်ပိုင်းဆိုင်ရာပုံတွေ ဖန်တီးတာကို ရာဇဝတ်မှုအဖြစ် သတ်မှတ်တဲ့ ဥပဒေတရပ်ကို အခုသီတင်းပတ်ထဲမှာ ပြဋ္ဌာန်းမယ်လို့ နည်းပညာဝန်ကြီး လစ်ဇ် ကန်ဒယ်လ်က ဇန်နဝါရီ ၁၂ ရက်မှာ လွှတ်တော်ကို ပြောပါတယ်။

စည်းမျဉ်းထိန်းသိမ်းရေးအဖွဲ့ Ofcom က အီလွန်မတ်စ်ခ်ရဲ့ X လူမှုကွန်ရက်ကို စတင် စုံစမ်းစစ်ဆေးပြီးတဲ့နောက် နည်းပညာဝန်ကြီး လစ်ဇ် ကန်ဒယ်လ်က လွှတ်တော်ကို ပြောခဲ့တာပါ။

ကုမ္ပဏီတွေအနေနဲ့ အဲဒီလိုပုံတွေကို ဖန်တီးဖို့ ဒီဇိုင်းထုတ်ထားတဲ့ ကိရိယာတွေ ထောက်ပံ့ပေးတာကို ဥပဒေက တရားမဝင်ဖြစ်အောင် သတ်မှတ်မယ်လို့ ကန်ဒယ်လ်က ပြောပါတယ်။

ပြီးခဲ့တဲ့အပတ်က X ကနေ အဲဒီလို ပုံဖန်တီးမှုအင်္ဂါရပ်ကို အခကြေးငွေပေးသွင်းသူတွေ အတွက်သာ အသုံးပြုခွင့်ပြုဖို့ ကန့်သတ်ရေး လုပ်ဆောင်ခဲ့တဲ့ ခြေလှမ်းတွေက မလုံလောက်ဘူးလို့လည်း သူက ပြောပါတယ်။

ဒါတွေက အန္တရာယ်မရှိတဲ့ပုံတွေ မဟုတ်ပါဘူး။ ဒါတွေက အမျိုးသမီးတွေနဲ့ မိန်းကလေးငယ်တွေကို မမျှမတ ရည်ရွယ်တဲ့ အလွဲသုံးစားလုပ်ဖို့ လက်နက်တွေ ဖြစ်တယ်လို့ သူက လွှတ်တော်ကို ပြောခဲ့ပါတယ်။

အစိုးရက X ကို ဆက်သွယ်ရေးနည်းလမ်းအဖြစ် ဆက်သုံး၊ မသုံးဆိုတဲ့ ဆုံးဖြတ်ချက်ကို ပြန်သုံးသပ်သွားမယ်လို့လည်း ကန်ဒယ်လ်က ပြောပါတယ်။

Source:Reuters