နော်ဝေနိုင်ငံ အော်စလိုမြို့တော်မှာ ဆန္ဒပြသူအများအပြားဟာ ဒီဇင်ဘာ ၁၀ ရက်မှာ ငြိမ်းချမ်းရေး နိုဘယ်ဆုကို လက်ခံရယူဖို့ မျှော်လင့်ထားတဲ့ ဗင်နီဇွဲလား အတိုက်အခံခေါင်းဆောင် မာရီယာ ကိုရီနာ မာချာဒိုကို ဒီဇင်ဘာ ၉ ရက်က ဆန့်ကျင်ဆန္ဒပြခဲ့ကြပါတယ်။
နော်ဝေနိုဘယ်အင်စတီကျုမှာ ဒီဇင်ဘာ ၁၀ ရက်က ကျင်းပတဲ့ ဆုပေးပွဲအခမ်းအနားမတိုင်မီ မာချာဒိုနဲ့ စီစဉ်ထားတဲ့ သတင်းစာရှင်းလင်းပွဲကိုလည်း အစောပိုင်းမှာ ဖျက်သိမ်းခဲ့ပါတယ်။
အသက် ၅၈ နှစ်အရွယ် မာချာဒိုဟာ သမ္မတ နီကိုလပ်စ်မာဒူရို အစိုးရက ဆယ်စုနှစ်တခုကြာ ခရီးသွားလာခွင့် ပိတ်ပင်ထားပြီး တနှစ်ကျော်ကြာ ပုန်းအောင်းနေခဲ့ရတာပါ။ နိုဘယ်အင်စတီကျုကလည်း မာချာဒိုရဲ့ လက်ရှိတည်နေရာကို မသိဘူးလို့ ပြောခဲ့ပါတယ်။
နော်ဝေနိုဘယ်ကော်မတီက အာဏာရှင်စနစ်ကို ဆန့်ကျင်တိုက်ခိုက်ခဲ့တဲ့အတွက် မာချာဒိုကို ငြိမ်းချမ်းရေးနိုဘယ်ဆု ချီးမြှင့်ခဲ့ပါတယ်။
မာချာဒိုဟာ အမေရိကန် အမျိုးသားလုံခြုံရေးကို တိုက်ရိုက်ခြိမ်းခြောက်နေတဲ့ ရာဇဝတ်ဂိုဏ်းတွေနဲ့ ချိတ်ဆက်နေတယ်လို့ အမေရိကန် ထောက်လှမ်းရေးက သံသယရှိနေပြီး အဲဒီလို ငြင်းခုန်ပြောဆိုထားတဲ့ အမေရိကန်သမ္မတ ဒေါ်နယ်ထရမ့်ပ်နဲ့ နီးစပ်တဲ့ နိုင်ငံခြားရေးရာ သဘောထားတင်းမာသူတွေနဲ့ မာချာဒိုဟာ ပူးပေါင်းခဲ့ပါတယ်။
Source: Reuters
