ရုရှားရဲ့ သင်္ဘောအုပ်စုကို ယူကရိန်းက တိုက်ခိုက်တဲ့ ဗွီဒီယိုဖိုင်ကို နိုဝင်ဘာ ၂၉ ရက်နေ့က ထုတ်ပြန်လိုက်ပြီး အဲဒီဗွီဒီယိုမှာ သင်္ဘောကိုချဉ်းကပ်သွားပြီးနောက် ထိမှန်ပေါက်ကွဲ မီးလောင်တာကို မြင်တွေ့ရပါတယ်။
ဒီစစ်ဆင်ရေးကို ယူကရိန်းလုံခြုံရေး SBU နဲ့ ယူကရိန်း ရေတပ်တို့ ပူးပေါင်းပြုလုပ်တာဖြစ်ပြီး SBU က ထုတ်ပြန်ထားတာပါ။
တူရကီအာဏာပိုင်တွေက သူ့တို့အနီးမှာ ရေနံတင်သင်္ဘော ၂ စင်း မီးလောင်နေတာ တွေ့တယ်လို့ ပြောထားပြီး ကယ်ဆယ်ရေးတွေလုပ်ဆောင်ခဲ့ရတယ်လို့ ဆိုပါတယ်။
ရုရှားရဲ့ ပြောက်ကျား သင်္ဘောအုပ်စုကို နိုင်ငံတကာကပိတ်ပင်မှုတွေ ပိုပြီးပြုလုပ်ဖို့ ယူကရိန်းနိုင်ငံက အကြိမ်ကြိမ် ပြောဆိုခဲ့ဖူးပါတယ်။
ရုရှားနိုင်ငံကို အနောက်နိုင်ငံတွေက စီးပွားရေးပိတ်ဆို့မှုတွေ ပြုလုပ်နေပေမဲ့ ရေနံရောင်းချမှုကနေ ရုရှားနိုင်ငံက ငွေကြေးအမြောက်အမြားရရှိနေကာ ကျူးကျော်စစ်အတွက် အထောက်အပံ့ ဖြစ်နေတယ်လို့ ယူကရိန်းက ပြောထားပါတယ်။
ရုရှားရဲ့ ရေနံတင်သင်္ဘော ၂ စင်းကို တိုက်ခိုက်ခဲ့တာကြောင့် ရုရှား-ယူကရိန်း စစ်ရေးအခြေအနေက ပိုပြီး အရှိန်မြင့်လာဖွယ်ရှိပါတယ်။
လက်ရှိအချိန်မှာတော့ ရေနံတင်သင်္ဘောတွေ တိုက်ခိုက်ခံရတာနဲ့ပတ်သက်ပြီး ရုရှားဘက်က မှတ်ချက်ပေးတာမျိုး မတွေ့ရသေးပါဘူး။
သောကြာနေ့ညကနေ စနေနေ့မနက်အထိ ရုရှားက ဒုံးကျည် ၃၆ လုံး၊ ဒရုန်း ၆၀၀ ကျော်နဲ့ တိုက်ခိုက်ခဲ့တယ်လို့ ယူကရိန်း သမ္မတ ဇလန်းစကီးက ထုတ်ဖော်ပြောဆိုထားပါတယ်။
Source: Reuters
