ဘရန့်ဖို့ဒ်တိုက်စစ်မှူး သီယာဂိုဟာ ဘရာဇီးလက်ရွေးစင်အသင်းမှာ ရွေးချယ်ခံရဖို့ နီးစပ်လာ ပါတယ်။
အသက် ၂၄ နှစ်ရှိ တိုက်စစ်မှူးဟာဘန်လေအသင်းကို ၃ ဂိုး ၁ ဂိုးနဲ့ အနိုင်ရတဲ့ပွဲစဉ်မှာ ၂ ဂိုးထပ်သွင်းခဲ့ပြီး ပရီးမီးယားလိဂ် ၁၃ ပွဲမှာ ၁၁ ဂိုး အထိသွင်းယူထားတာပါ။
ပြီးခဲ့တဲ့နိုင်ငံတကာရက်သတ္တပတ်တွေကတည်းက ဘရာဇီးအသင်းဘက်က သီယာဂိုနဲ့ ဆက်သွယ်ဆွေးနွေးမှုတွေရှိကြောင်း ဘရန့်ဖို့ဒ်နည်းပြ အန်ဒရူးစ်က ပြောပါတယ်။
လက်ရှိအချိန်မှာ ဘရာဇီးအသင်းက တိုက်စစ်မှူးအားလုံးထက် ဂိုးပိုသွင်းထားတဲ့ အီဂေါသီယာဂိုဟာ သူ့ရဲ့အိပ်မက်ဖြစ်တဲ့ ဘရာဇီးလက်ရွေးစင်ကစားသမားဖြစ်လာဖို့ ပိုမိုနီးစပ်လာခဲ့တာပါ။
သီယာဂိုဟာ ဘူလ်ဂေးရီးယားပတ်စ်ပို့လည်း ကိုင်ဆောင်ထားတာကြောင့် ၂ သင်းစလုံးမှာ ကစားခွင့်ရှိပေမဲ့ ဘရာဇီးအသင်းက ဦးစားပေးအသင်းဖြစ်တယ်လို့ ပြောထားပါတယ်။
ခရူဇီယိုအသင်းနဲ့ ဘောလုံးသမားဘဝစတင်ခဲ့သူ သီယာဂိုဟာ ၂၀၂၃-၂၀၂၄ ရာသီမှာ ဘယ်လ်ဂျီ ယံကလပ် ဘရုဂျက်မှာ ကစားစဉ်ကလည်း တရာသီအတွင်း သွင်းဂိုး ၂၉ ဂိုးသွင်းယူနိုင်ခဲ့သူဖြစ်ပါတယ်။
