ဘရာဇီးတောင်ပိုင်း မိုးသီးများကြွေသဖြင့် လူ ၂၀၀ ကျော် ဒဏ်ရာရ
DVB
·
November 27, 2025
ဘရာဇီးတောင်ပိုင်းမှာ မိုးသီးမုန်တိုင်းတွေ နိုဝင်ဘာ ၂၃ ရက်မှာ တိုက်ခတ်ခဲ့လို့ လူ ၂၄၆ ယောက် ဒဏ်ရာရပြီး အခြေခံအဆောက်အအုံတွေ ပျက်စီးခဲ့တယ်လို့ အာဏာပိုင်တွေက ပြောပါတယ်။
မိုးသီးမုန်တိုင်းကြောင့် ရီယိုဂရန်ဒီ ဒယ်ဆူပြည်နယ် အီရီချင်မြို့က မိသားစု ၁၀,၀၀၀ ကျော် ထိခိုက်ခဲ့ပြီး ကားတွေနဲ့ ခေါင်မိုးတွေ ပျက်စီးခဲ့တယ်လို့ ဒေသန္တရအစိုးရက ကြေညာပါတယ်။
မျက်မြင်သက်သေ တယောက်က ရိုက်ကူးထားတဲ့ ရုပ်သံထဲမှာ ဥယျာဉ်တခုနဲ့ ရေကူးကန်တခုစီ မိုးသီးတွေ ရွာကျနေတာကို တွေ့ရပြီး ရုပ်သံရင်းမြစ်ရဲ့ မက်တာဒေတာကနေ ရက်စွဲနဲ့ နေရာကို အတည်ပြုနိုင်ခဲ့ပါတယ်။
အရပ်ဘက်ကာကွယ်ရေး တာဝန်ရှိသူတွေ၊ မီးသတ်သမားတွေနဲ့ စစ်ဘက် ဝန်ထမ်းတွေ လုပ်အားပေးတွေက အပျက်အစီးတွေကို စစ်ဆေး ရှင်းလင်းနေတယ်လို့ အရာရှိတွေက ပြောခဲ့ပါတယ်။
Source: Reuters
