ဘရာဇီး တောင်ပိုင်းပြည်နယ် အလယ်ပိုင်း ပါရာနာမြို့မှာ လေဆင်နှာမောင်း ၃ ခု တိုက်ခတ်ခဲ့လို့ လူ ၆ ယောက် သေဆုံးခဲ့ပြီး လေတိုက်နှုန်းက တနာရီ ကီလိုမီတာ ၃၃၀ (တနာရီ ၂၀၅ မိုင်) အထိ ရောက်ရှိခဲ့ကြောင်း ပါရာနာ မိုးလေဝသနဲ့ ပတ်ဝန်းကျင် စောင့်ကြည့်ရေးစနစ် (ဆိုင်မ်ဖာ) ရဲ့ အဆိုအရ သိရပါတယ်။
ထိခိုက်ခံရတဲ့ မြို့တွေကတော့ ရီယို ဘိုနီးတို ဒို အစ်ဂွါးဆူ၊ ဂွါရာပွာဗာနဲ့ တူရ်ဗိုမြို့တွေဖြစ်ကြပြီး F3 အမျိုးအစား လေဆင်နှာမောင်းကြောင့် ရီယို ဘိုနီးတို ဒို အစ်ဂွါးဆူမြို့က အဆောက်အဦတွေ ၉၀ ရာခိုင်နှုန်းလောက် ထိခိုက်ပျက်စီးခဲ့ပြီး အများဆုံး ဖြစ်ပါတယ်။
သေဆုံးသူတွေဟာ ရီယို ဘိုနီတို ဒို အစ်ဂွါဇူးမှာ ၅ ယောက်နဲ့ ဂွါရာပွာဗာမှာ တယောက်တို့ ဖြစ်ကြပြီး ဒဏ်ရာရသူ စုစုပေါင်း ၇၅၀ လောက် ရှိပါတယ်။
လူဦးရေ ၁၄,၀၀၀ လောက်ရှိတဲ့ သော ရီယို ဘိုနီတို ဒို အစ်ဂွါဇူးမြို့ကို မီးသတ်ဌာနက “စစ်ပွဲဇုန်နယ်မြေ” အဖြစ် ဖော်ပြထားပါတယ်။
မုန်တိုင်းတွေဟာ အပြင်းထန်ဆုံး မိုးလေဝသဖွဲ့စည်းပုံ အမျိုးအစားဖြစ်တဲ့ စူပါဆဲလ်တွေကြောင့် ဖြစ်ပွားခဲ့ပြီး အဲဒါတွေကို ရေဒါအချက်အလက်တွေ၊ ဗီဒီယိုတွေ၊ လေကြောင်းစစ်တမ်းတွေနဲ့ မြေပြင်စစ်ဆေးမှုတွေကို အသုံးပြုပြီး ခွဲခြမ်းစိတ်ဖြာခဲ့ပါတယ်။
ပြည်နယ်အစိုးရဟာ ပြန်လည်တည်ဆောက်ရေးအတွက် ဘရာဇီးငွေ ရီယယ်လ် သန်း ၅၀ ကို ကြေညာခဲ့ပြီး အိမ်ထောင်စုတစုကို ရီယယ်လ် ၅ သောင်းအထိ အသုံးပြုခဲ့ပါတယ်။
Source: Reuters
