တောင်ပံတိုက်စစ်ကစားသမား ၁ ဦး ခေါ်ယူရန်လိုအပ်ဟု မန်ယူနည်းပြအာမိုရင် ပြော
DVB
·
November 30, 2025
မန်ယူအသင်းအနေနဲ့ လာမယ့် အပြောင်းအရွှေ့မှာ တောင်ပံတိုက်စစ်ကစားသမားတယောက် ခေါ်ယူဖို့ လိုအပ်ကြောင်း နည်းပြ ရူဘင်အာမိုရင်က ပြောသွားပါတယ်။
မန်ယူအသင်းဟာ အဲဗာတန်အသင်းနဲ့ ပွဲစဉ်မှာ မိနစ် ၈၀ ကျော် တယောက်အသာရခဲ့ပေမဲ့ ၁ ဂိုး ဂိုးမရှိနဲ့ အရေးနိမ့်ခဲ့တာပါ။
အဲဗာတန်နဲ့ပွဲလို တယောက် အသာရနေချိန်မှာဆိုရင် ညာတောင်ပံတိုက်စစ်နေရာမှာ ဘယ်တောင်ပံ ကစားတဲ့ အာမတ်ဒီယယ်လို လို ကစားသမားတယောက် ထပ်ပြီး လိုအပ်ကြောင်း နည်းပြ အာမိုရင်က ပြောပါတယ်။
မန်ယူအသင်းဟာ အခုတပတ် ပရီးမီးယားလိဂ်မှာ ခရစ္စတယ်ပဲလေ့အသင်းနဲ့ တွေ့ဆုံနေပြီး ၃-၄-၂-၁ ကစားကွက်ချင်း တူညီပေမဲ့ ကွဲပြားတဲ့ကစားပုံတွေရှိပြီး ပဲလေ့အသင်းက မိမိတို့အသင်းထက် ပိုကောင်းတဲ့အသင်း ဖြစ်တယ်ဆိုတာ သိသာထင်ရှားကြောင်း နည်းပြအာမိုရင်က ပြောသွားပါတယ်။
