နော်တင်ဟမ်ကွင်းလယ်လူ အန်ဒါဆန်ကို ခေါ်ယူရန် မန်စီးတီးကြိုးပမ်း
DVB
·
November 29, 2025
မန်စီးတီးအသင်းဟာ နော်တင်ဟမ်ဖောရက်စ်ကွင်းလယ်လူ အီလီယော့ခ်အန်ဒါဆန်ကို မန်ယူ၊ လီဗာပူးအသင်းတွေနဲ့ အပြိုင်ခေါ်ယူသွားဖို့ ကြိုးပမ်းသွားမယ်လို့ သိရပါတယ်။
အသက် ၂၃ နှစ်ရှိ အင်္ဂလန်ကွင်းလယ်ကစားသမားဟာ လက်ရွေးစင်အသင်းကြီးမှာ နေရာတနေရာ အခိုင်အမာရရှိထားပြီး ထိပ်တန်းကလပ်တွေရဲ့ ပစ်မှတ်ဖြစ်လာခဲ့တာပါ။
နော်တင်ဟမ်အသင်းဟာ အခုနှစ် ရာသီကုန်တဲ့အထိ အန်ဒါဆန်အတွက် ဘယ်လိုကမ်းလှမ်းမှုမှ လက်ခံစဉ်းစားမှာမဟုတ်ပေမဲ့ လာမယ့်ရာသီမှာတော့ ပေါင်သန်း ၁၀၀ ရရှိမယ်ဆိုရင် လက်ခံစဉ်းစားဖို့ ရှိပါတယ်။
မန်စီးတီးအသင်းဟာ နံပါတ် ၆ နေရာအတွက် ရိုဒရီနဲ့ ဂွန်ဇာလက်ဇ်တိုရှိနေပေမဲ့ အန်ဒါဆန်ကို မျက်စိကျနေတယ်လို့ သတင်းတွေမှာ ဖော်ပြပါတယ်။
အန်ဒါဆန်ဟာ ၂၀၂၄ ခုနှစ်ကမှ နယူးကာဆယ်ကနေ ပေါင် ၃၅ သန်းနဲ့ နော်တင်ဟမ်အသင်းဆီ ပြောင်းရွှေ့လာခဲ့သူ ဖြစ်ပါတယ်။
Photo: Reuters
