အမေရိကန်ဟာ ဗင်နီဇွဲလားနဲ့ တင်းမာမှုတွေ တိုးလာချိန်မှာပဲ USS Gravely ခရုဇ် ဒုံးကျည်တင် ဖျက်သင်္ဘောကို နိုဝင်ဘာ ၂၇ ရက်မှာ ပွာတိုရီကိုနိုင်ငံ၊ ပွန့်စ်မြို့ရှိ ရေတပ်ထောက်ပံ့ရေး သင်္ဘောတစင်း အနားမှာ ဆိုက်ကပ်ခဲ့ပါတယ်။
အဲဒီနေ့မှာပဲ ကျွန်းရဲ့အရှေ့ဘက်ရှိ အရင် ရုစဗဲ့လ်ထ်ရုတ်ဒ်စခန်းကနေ F-35B တိုက်လေယာဉ် တစင်း ပျံတက်သွားတာကို ရိုက်တာသတင်းဌာနရဲ့ ရုပ်သံမှတ်တမ်းမှာ ပြသထားပါတယ်။
သမ္မတ နီကိုလတ်စ် မာဒူရိုရဲ့ အစိုးရနဲ့ ဆက်ဆံရေး ဆိုးရွားလာတာနဲ့ အတည်မပြုရသေးတဲ့ ဒါမှမဟုတ် သမ္မတ ဒေါ်နယ်ထရမ့်ပ်က လူသိရှင်ကြား ခွင့်ပြုချက်မရရှိသေးတဲ့ စစ်ဆင်ရေးတွေ အကြောင်း သတင်းတွေထွက်ပေါ်နေချိန်မှာ အမေရိကန်က ဗင်နီဇွဲလားအနီးမှာ စစ်ရေးအရ တိုးမြှင့်လုပ်ဆောင်နေတာပါ။
နိုဝင်ဘာ ၂၇ ရက် ညနေပိုင်းမှာ ထရမ့်ပ်က အမေရိကန်ဟာ ဗင်နီဇွဲလား မူးယစ်ဆေးဝါး ရောင်းဝယ်ဖောက်ကားသူတွေလို့ သံသယရှိသူတွေကို မြေပြင်ပေါ်မှာလည်း ရပ်တန့်ဖို့ အရေးယူဆောင်ရွက်မယ်လို့ ပြောကြားခဲ့ပါတယ်။
ဗင်နီဇွဲလား ဆက်သွယ်ရေး ဝန်ကြီးဌာနက မှတ်ချက်ပေးဖို့ တောင်းဆိုချက်ကို ချက်ချင်းတုံ့ပြန်ခြင်း မရှိပါဘူး။
Source:Reuters
