ဖူဟမ်နှင့်ပွဲ၌ ကစားသမား ၈ ဦး လွဲချော်မည်ဟု စပါးနည်းပြအတည်ပြု
DVB
·
November 29, 2025
ဖူဟမ်နဲ့ ကစားရမယ့် ပရီးမီးယားလိဂ်ပွဲစဉ်မှာ ကစားသမား ၈ ယောက်အထိ ဒဏ်ရာနဲ့ ပွဲပယ်ပြစ်ဒဏ်ကြောင့် လွဲချော်မယ်လို့ စပါးအသင်းရဲ့ နည်းပြ သောမက်စ်ဖရန့်ခ်က အတည်ပြုသွားပါတယ်။
စပါးအသင်းဟာ အစောပိုင်းကတည်းက အဓိက ကစားသမား ၇ ယောက် လောက် အနားယူနေရတာဖြစ်ပြီး နောက်ခံလူ ရိုမဲရိုးက အာဆင်နယ်နဲ့ပွဲမှာ ၅ ကြိမ်မြောက် အဝါကတ် ပြသခံခဲ့ရလို့ ဖူဟမ်နဲ့ပွဲကို ပွဲပယ်ပြစ်ဒဏ်ကြောင့် လွဲချော်မှာပါ။
စပါးအသင်းမှာ တိုက်စစ်မှူး ဆိုလန်ကီအပါအဝင် ဂျိမ်းစ်မက်ဒီဆန်၊ ကူလူဆက်စကီး၊ ဘစ်ဆူးမား၊ ဘင်ဒေးဗီးစ်၊ ရာဒူဒရက်ဂူဆင်နဲ့ ကိုတာတာကာအီတို့ ဒဏ်ရာအသီးအသီးရရှိပြီး အနားယူနေရတာပါ။
ဖူဟမ်အသင်းမှာတော့ တိုက်စစ်မှူး မူနက်ဇ်နဲ့ နောက်ခံလူရော်ဘင်ဆင်တို့ကလွဲပြီး လူစုံပါဝင်ကစား နိုင်မယ်လို့ သိရပါတယ်။
Photo: Reuters
