ဖူဟမ်နဲ့ သရေကျခဲ့တဲ့ ပွဲစဉ်မှာ မန်ယူတိုက်စစ်မှူးသစ် ဆက်စ်ကိုရဲ့ စွမ်းဆောင်ရည်အပေါ် နောက်ခံလူဟောင်း ဂယ်ရီနဗီးလ်က ဝေဖန်သွားပါတယ်။
မန်ယူအသင်းဟာ ဆလိုဗေးနီးယား တိုက်စစ်မှူးအတွက် ပေါင် ၇၄ သန်းပေးချေပြီး ခေါ်ယူခဲ့တာဖြစ်ပြီး အာဆင်နယ်၊ ဖူဟမ်အသင်းတွေနဲ့ ပွဲစဉ်မှာ လူးစားဝင် ကစားစေခဲ့တာပါ။
ပွဲချိန် ၆၅ မိနစ်လောက် ကစားခဲ့တဲ့တိုင် စွမ်းဆောင်ရည်ကောင်း ပြသနိုင်ခြင်းမရှိသေးတဲ့အပေါ် နဗီးလ်က ဝေဖန်ခဲ့ပြီး ဆက်စ်ကိုဟာ လက်ရှိအချိန်မှာ ပွဲကစားနိုင်လောက်တဲ့ ကြံ့ခိုင်မှုနဲ့ အမြန်နှုန်းမရှိသေးကြောင်း ပြောပါတယ်။
နည်းပြအာမိုရင်အနေနဲ့ ဆက်စ်ကို ကို ဂရင်စ်ဘီနဲ့ လိဂ် ဖလားပွဲစဉ်မှာ ပွဲချိန်ပြည့် အသုံးပြုမှသာ ဘန်လေနဲ့ ပရီးမီးယားလိဂ်ပွဲစဉ်မှာ ပွဲထွက်ကစားနိုင်မှာဖြစ်ကြောင်း နဗီးလ်က သူ့ရဲ့ ပေါ့ဒ်ကတ် အစီအစဉ်မှာ တိုက်တွန်းသွားပါတယ်။
မန်ယူအသင်းဟာ ပရီးမီးယားလိဂ်အဖွင့် ၂ ပွဲမှာ နိုင်ပွဲမရသေးသလို တိုက်စစ်မှူးသစ်တွေလည်း သွင်းဂိုးမရသေးတဲ့အပေါ် ဝေဖန်ခံနေရပါတယ်။
