ဘယ်လ်ဂျီယံဂိုးသမား ဆမ်းလမ်မန်စ်ကို ပေါင် ၁၇ သန်းဖြင့် ခေါ်ယူရန် မန်ယူအသင်း နီးစပ်
DVB
·
August 25, 2025
မန်ယူအသင်းဟာ ဘယ်လ်ဂျီယံဂိုးသမား ဆမ်းလမ်မန်စ်ကို ပေါင် ၁၇ သန်းနဲ့ ခေါ်ယူဖို့ နီးစပ်နေပါတယ်။
အသက် ၂၃ နှစ်ရှိ ဘယ်လ်ဂျီယံဂိုးသမားဟာ အရပ် ၆ ပေ ၄ လက်မ ရှိပြီး ဘယ်လ်ဂျီယံကလပ် ရွိုင်ရယ်အန်းတွမ့်အသင်းမှာ ပွဲထွက်ကစားနေသူပါ။
မနှစ်ကရာသီက ၄၄ ပွဲအထိ ပွဲထွက်ကစားခဲ့ပြီးနောက် အလားအလာကောင်းတွေ ပြသနိုင်ခဲ့တဲ့ လမ်မန်စ်ကို မန်ယူအသင်းက ပေါင် ၁၇ သန်းနဲ့ ခေါ်ယူဖို့ နီးစပ်လာခဲ့တာပါ။
မန်ယူအသင်းဟာ လမ်မန်စ်ကို ဂိုးသမား အိုနားနားရဲ့ နေရာမှာ ရေရှည်အစားထိုးဖို့ ရည်ရွယ်ထားပြီး ရက်ပိုင်းအတွင်းမှာ အပြီးသတ်ခေါ်ယူဖို့ လုပ်ဆောင်နေပါတယ်။
မန်ယူအသင်းဟာ လမ်မန်စ်နဲ့ မဆွေးနွေးခင်မှာ ဗီလာဂိုးသမား မာတီနက်ဇ်နဲ့ ချိတ်ဆက်ခဲ့ပေမဲ့ ဈေးကြီးလွန်းတာကြောင့် အဆင်မပြေဖြစ်ခဲ့တာလို့ သတင်းတွေမှာ ဖော်ပြကြပါတယ်။
