၁၃ နာရီကြာ ဖြေရတဲ့ ကမ္ဘာ့အချိန်အကြာဆုံး စာမေးပွဲဖြစ်တဲ့ ဆူနန်စာမေးပွဲကို တောင်ကိုရီးယားနိုင်ငံမှာ ပြုလုပ်ခဲ့ပါတယ်။

စာမေးပွဲဖြေတဲ့အချိန်မှာ ဈေးဆိုင်တွေ ပိတ်ပေးရတာ၊ လေယာဉ်သံတွေကြောင့် အနှောင့်အယှက် ဖြစ်မှာစိုးလို့ လေယာဉ်ခရီးစဉ်တွေ ရွှေ့ဆိုင်းရတာတွေနဲ့ ကျောင်းသားတွေအတွက် မနက်တိုင်း နေ့စဉ်လှုပ်ရှားမှုတွေကိုလည်း လျှော့ချပေးတာမျိုးတွေ ပြုလုပ်လေ့ရှိတဲ့ စာမေးပွဲပဲ ဖြစ်ပါတယ်။

ဒီစာမေးပွဲကို နှစ်စဉ် နိုဝင်ဘာလတိုင်း ပြုလုပ်တာဖြစ်ပြီး ကျောင်းသားတွေရဲ့ အနာဂတ်ကို အဓိက ဆုံးဖြတ်ပေးတဲ့ စာမေးပွဲပဲ ဖြစ်ပါတယ်။

ကြာသပတေးနေ့မှာ ဖြေဆိုရမယ့် ဆူနန်စာမေးပွဲကို နိုင်ငံတဝန်း ကျောင်းသားပေါင်း ၅၅၀,၀၀၀ ကျော် ဝင်ရောက်ဖြေဆိုရမှာဖြစ်ပြီး ဒါဟာ ၇ နှစ်အတွင်း စာမေးပွဲဖြေဆိုသူ အများဆုံး အရေအတွက်ပဲ ဖြစ်ပါတယ်။

သင်္ချာ၊ အင်္ဂလိပ်၊ လူမှုရေးနဲ့ သိပ္ပံ၊ နိုင်ငံခြားဘာသာ၊ ဟန်ဂျဘာသာ စတဲ့ ဘာသာရပ်အလိုက် မေးခွန်းပေါင်း ၂၀၀ ကျော် ရှိပါတယ်။

ဒီစာမေးပွဲဟာ တက္ကသိုလ်ဝင်ခွင့်အတွက်သာ မကဘဲ အလုပ်အကိုင်ရရှိဖို့၊ လစာအနည်းအများ၊ အနာဂတ်မှာ ဘယ်လိုနေထိုင်ရမလဲ ဆိုတာနဲ့ အနာဂတ် အိမ်ထောင်ဘက် ရွေးချယ်တာတွေမှာလည်း အရေးပါတယ်လို့ ဖော်ပြပါတယ်။

ပုံမှန်ကျောင်းသားတွေက မနက် ၈ နာရီ ၄၀ မိနစ်ကနေ ညနေ ၅ နာရီ ၄၀ အထိ ဖြေဆိုရပြီး မျက်စိမမြင်တဲ့ ကျောင်းသားတွေက ည ၁၀ နာရီအထိ ဖြေဆိုရပြီး စုစုပေါင်း ဖြေဆိုချိန် ၁၃ နာရီလောက်အထိ ကြာမြင့်ပါတယ်။

ဒီကျောင်းသားတွေအတွက် ညစာစားချိန် အနားပေးတာမျိုး မရှိဘဲ မျက်မမြင်တွေ အသုံးပြုရတဲ့ စာနဲ့ စာမေးပွဲမေးခွန်းတွေကို ဖတ်ပြီး ဖြေဆိုရတာပါ။

အချိန်အကြာကြီး ဖြေဆိုရတဲ့ ဆူနန်စာမေးပွဲဟာ ဇွဲကောင်းတဲ့ စမ်းသပ်မှုတခုအဖြစ် ကျောင်းသားတွေက ဖော်ပြကြပါတယ်။

ဒါ့အပြင် မျက်မမြင်မေးခွန်းတွေကို လက်နဲ့စမ်းပြီး ဖတ်ရတာကြောင့် ဖြေဆိုသူတွေရဲ့ လက်ထိပ်တွေ ခံနိုင်ရည်ရှိမှုကိုလည်း ဆရာတွေက အသိအမှတ်ပြုတဲ့ စာမေးပွဲပဲ ဖြစ်ပါတယ်။

ဒီဆူနန်စာမေးပွဲဟာ ကောလိပ်ဝင်ခွင့်အတွက်သာမက ကျောင်းသားတွေရဲ့ ခံနိုင်ရည်ရှိမှုကို သက်သေပြရတဲ့ စာမေးပွဲပဲ ဖြစ်ပါတယ်။