အနာဂတ်ကိစ္စ မပြောနိုင်သေးဟု နယူးကာဆယ်ကွင်းလယ်လူ တိုနယ်လီပြော
DVB
·
November 9, 2025
နယူးကာဆယ်အသင်းနဲ့ အနာဂတ်ကိစ္စအပေါ် ကြိုတင်ခန့်မှန်းလို့မရကြောင်း အီတလီကွင်းလယ်လူ တိုနယ်လီက ဝန်ခံပြောသွားပါတယ်။
အသက် ၂၅ နှစ်ရှိ အီတလီလက်ရွေးစင်ကစားသမားဟာ ပရီးမီးယားလိဂ်ရဲ့ အကောင်းဆုံး ကွင်းလယ်လူတယောက်အဖြစ် သတ်မှတ်ခံထားရသူဖြစ်ပြီး အသင်းမှာ ပျော်ရွှင်နေပေမဲ့ ကာလရှည် ဆက်ရှိမယ်လို့ မပြောနိုင်ကြောင်း ပြောပါတယ်။
ဒီအသင်းမှာ ၁၀ နှစ်ကြာ ဆက်ရှိမယ်လို့ မပြောချင်သလို ၂ နှစ်၊ ၃ နှစ် ဆက်ကစားမယ်လို့လည်း တပ်အပ်မပြောနိုင်သေးကြောင်း၊ ဘောလုံးမှာ တရာသီချင်းစီ အာရုံစိုက်သွားတာက အကောင်းဆုံး ဖြစ်ကြောင်း တိုနယ်လီက ပြောပါတယ်။
မင်းရဲ့ကစားသမားဘဝမှာ ဘဝအတွက် အကောင်းဆုံးရွေးချယ်မှုတွေ ရှိလာမယ်ဆိုရင် အရာအားလုံးကို ပြန်လည်စဉ်းစားဖို့ လိုအပ်ကြောင်း၊ လက်ရှိအချိန်မှာတော့ အသင်းမှာ ပျော်ရွှင်နေပြီး တခြားအသင်းအကြောင်း မစဉ်းစားသေးကြောင်း တိုနယ်လီက ပြောပါတယ်။
