အင်္ဂလန်နဲ့ ခရစ္စတယ်ပဲလေ့စ် နောက်ခံလူ မက်ဂေဟီကို ခေါ်ယူလိုတဲ့ အသင်းတွေထဲမှာ ရီးရဲလ်မက်ဒရစ်အသင်းလည်း ပါဝင်လာပါတယ်။

အသက် ၂၅ နှစ်ရှိ ဗဟိုခံစစ်မှူးဟာ အခုနှစ်ရာသီအစက လီဗာပူးဆီ ပြောင်းရွှေ့ဖို့ ဆေးစစ်လုပ်ဆောင်ခဲ့ပြီးမှ ပဲလေ့စ်အသင်းက အစားထိုးစရာ ကစားသမား မရှာဖွေနိုင်တာကြောင့် အသင်းဆီ ပြန်လည်ခေါ်ယူခဲ့တာပါ။

ဂေဟီဟာ အခုနှစ်ရာသီအကုန်မှာ စာချုပ်သက်တမ်း ကုန်ဆုံးမှာဖြစ်ပြီး ရီးရဲလ်ဘက်က သူ့ရဲ့အပြောင်းအရွှေ့ မူဝါဒအတိုင်း အလွတ်ပြောင်းရွှေ့ကြေးနဲ့ ခေါ်ယူဖို့ ပစ်မှတ်ထားလာခဲ့တာပါ။

အင်္ဂလန်အသင်းရဲ့ အဓိက ဗဟိုနောက်ခံလူ ဖြစ်လာတဲ့ ဂေဟီကို လီဗာပူးနဲ့ ရီးရဲလ်မက်ဒရစ်တို့ အပြင် ဘိုင်ယန်မြူးနစ်အသင်းကလည်း ခေါ်ယူဖို့ ပစ်မှတ်ထားနေတယ်လို့ သိရပါတယ်။

စပိန်သတင်းစာ AS ကတော့ ဂေဟီရဲ့ လက်မှတ်ထိုးကြေးနဲ့ လုပ်လစာ တောင်းဆိုမှု များပြားတာက မက်ဒရစ်ကလပ်အတွက် စဉ်းစားစရာ ဖြစ်လာနေတယ်လို့လည်း ဖော်ပြသွားပါတယ်။