ဇန်နဝါရီ အပြောင်းအရွှေ့ကာလမှာ ကစားသမားတချို့ အသင်းကနေ ထွက်ခွင့်တောင်းလာနိုင်တယ်လို့ မန်ချက်စတာယူနိုက်တက် နည်းပြ ရူဘင် အာမိုရင်က ဝန်ခံပြောကြားခဲ့တယ်ဆိုပြီး Sky Sport က ဖော်ပြပါတယ်။

အခုရာသီမှာ ယူနိုက်တက်က ဥရောပပြိုင်ပွဲတွေ ကစားခွင့်မရတာနဲ့ ကာရာဘောင်ဖလားကနေ စောစောစီးစီး ထွက်ခဲ့ရတာကြောင့် ပွဲစဉ် နည်းနည်းပဲ ကစားနေရတာပါ။ 

ဒါကြောင့် နည်းပြအနေနဲ့ ကစားသမားတွေကို အလှည့်ကျ သုံးခွင့် နည်းနည်းပဲ ရှိခဲ့ပြီး၊ ရလဒ်အနေနဲ့ ကစားသမားတချို့ ပွဲကစားချိန် နည်းနေတာပါ။ 

သတင်းစာရှင်းလင်းပွဲမှာ အာမိုရင်က လာမယ့် ကမ္ဘာ့ဖလားပြိုင်ပွဲကြောင့် ကစားချိန်နည်းတဲ့ ကစားသမားတွေ အသင်းကနေ ထွက်ဖို့ တောင်းဆိုလာနိုင်ပြီး သူ့အနေနဲ့ အရာအားလုံးကို စီမံခန့်ခွဲရမယ်လို့ ပြောပါတယ်။

အထူးသဖြင့် ကိုဘီမိုင်နူးနဲ့ ဇာ့ဇ်ဇီးတို့ဟာ လက်ရှိ ရာသီမှာ ကစားချိန်ရဖို့ ရုန်းကန်နေရပါတယ်။

မိုင်နူးဟာ လိဂ်ပွဲစဉ် ၇ ပွဲ ကစားခဲ့ပေမဲ့ ပွဲထွက်ခွင့်မရသေးဘဲ ဇာ့ဇ်ဇီးကလည်း လိဂ်ပွဲ ၄ ပွဲသာ ကစားထားရပြီး ပွဲထွက်ခွင့် မရသေးပါဘူး။

အဲဒီကစားသမား ၂ ယောက်စလုံး အိုးလ်ထရက်ဖို့ဒ်ကနေ ထွက်တော့မယ်လို့ သတင်းတွေ ထွက်နေပါတယ်။

Photo:Reuters