ဝက်စ်ဟမ်းအသင်းဟာ ဂရေဟမ်ပေါ်တာကို ထုတ်ပယ်ကြောင်း ကြေညာပြီး နာရီပိုင်းအကြာမှာပဲ နည်းပြသစ်အဖြစ် နူနိုအက်စပီရီတို ဆန်တိုကို ၃ နှစ်စာချုပ်နဲ့ စက်တင်ဘာ ၂၇ ရက်က ခန့်အပ်ခဲ့ပါတယ်။
ပေါ်တာရဲ့ နောက်ဆုံးပွဲဟာ ပြီးခဲ့တဲ့စနေနေ့က ခရစ္စတယ်ပဲလေ့စ်ကို အိမ်ကွင်းမှာ ၂ ဂိုး ၁ ဂိုးနဲ့ ရှုံးနိမ့်ခဲ့တာဖြစ်ပြီး သောကြာနေ့မှာ ထုတ်ပယ်ခံရတာပါ။
ဆန်းတိုဟာ ၂၀၂၃ ခုနှစ် ဒီဇင်ဘာက ဖောရက်စ်အသင်းကို ရောက်ရှိလာခဲ့ပြီး အသင်းကို အဆင့် ၇ အထိ ရောက်ရှိအောင် စွမ်းဆောင်နိုင်ခဲ့တာကြောင့် ယူရိုပါလိဂ်ကို ဝင်ရောက်ကစားခွင့် ရရှိအောင် စွမ်းဆောင်ပေးခဲ့သူဖြစ်ပါတယ်။
သူဟာ နော်တင်ဟမ် ဖောရက်စ်အသင်းကနေ ဒီလအတွင်းမှာ ထုတ်ပယ်ခံထားရပြီးနောက် ဝက်ဟမ်းအသင်းကို ပြောင်းရွှေ့လာခဲ့တာပါ။
တနင်္လာနေ့မှာ ဝက်စ်ဟမ်းအသင်းဟာ အဝေးကွင်းမှာ အဲဗာတန်အသင်းနှင့် ရင်ဆိုင်ရမှာဖြစ်ပြီး ဆန်တိုရဲ့ ဝက်ဟမ်းအသင်းနဲ့ ပထမဆုံးပွဲအဖြစ် တာဝန်ယူသွားမှာ ဖြစ်ပါတယ်။
