ကရင်ပြည်နယ်၊ မြဝတီမြို့​နယ်၊ ဖလူးကျေးရွာရှိ စာသင်​ကျောင်းနဲ့ ဘုန်း​တော်ကြီး​ကျောင်းကို စက်တင်ဘာ ၂၆ ရက်​ နေ့လယ် ၁၂ နာရီလောက်မှာ  စစ်​ကောင်စီတပ်က ကာမီကာ​ဇေ ​မောင်းသူမဲ့ဒရုန်းနဲ့ တိုက်ခိုက်လို့ စာသင်ကျောင်းနဲ့ ဘုန်းကြီးကျောင်း ပျက်စီးသွားတယ်လို့ ဒေသခံက ပြောပါတယ်။ 

ကာမီကာ​ဇေ ​မောင်းသူမဲ့ဒရုန်းကို မြဝတီအခြေစိုက်  ခလရ ၂၇၅ ဘက်ကနေ လွှတ်တင်တာဖြစ်ပြီး မြဝတီမြို့​တောင်ဘက် ၈ မိုင်လောက်မှာရှိတဲ့  ဖလူးရွာကို တိုက်ခိုက်တာလို့ ဒေသခံ ကရင် စစ်ရေးသတင်းရင်းမြစ်က ပြောပါတယ်။

ဖလူးရွာမှာ စစ်​ကောင်စီတပ်ရဲ့ ထိုးစစ်ကြောင့် ရွာသားတွေက မ​နေရဲကြ​တော့ဘဲ ကြိုတင်စစ်​ရှောင်နေကြလို့ ဒရုန်းနဲ့ ဗုံးကြဲတိုက်ခိုက်မှုမှာ လူတွေ ထိခိုက်​သေဆုံးတာ မရှိပေမဲ့ စာသင်​ကျောင်းနဲ့ ဘုန်း​တော်ကြီး​ကျောင်းက​တော့ ပျက်စီးသွားပါတယ်။

မြန်မာ-ထိုင်းနယ်စပ် ​လေး​ကေ့​ကော်မြို့သစ်အနီးတဝိုက်မှာ စက်တင်ဘာလ ၂၂ ရက်ကစတင် ဖြစ်ပွားတဲ့ တိုက်ပွဲ ၅ ရက်အတွင်း စစ်​ကောင်စီတပ်က အရာရှိ စစ်သည် ၁၅၀  လောက် သေဆုံးခဲ့တယ်လို့ မြေပြင်မှာ တာဝန်ထမ်းဆောင်နေတဲ့ ကရင်တော်လှန်ရေးတပ်ဖွဲ့ရဲ့ ဆက်သွယ်​ရေး တာဝန်ရှိသူ တယောက်က ​ပြောပါတယ်။ 

Photo:ဖိုးစီ/  DVB