ပီရူးနိုင်ငံတောင်ပိုင်းမှာ စက်တင်ဘာ ၂၄ ရက်က ဘိုလီးဗီးယား ဂီတအဖွဲ့ရဲ့ မီနီဗန်ကားနဲ့ အဝေးပြေး ကုန်တင်ထရပ်ကား ၂ စီးတို့ ယာဉ်မတော်တဆမှု ဖြစ်ပွားခဲ့ပြီး အနည်းဆုံး လူ ၁၄ ယောက် သေဆုံးခဲ့ကြောင်း ပြည်တွင်းမီဒီယာတွေနဲ့ ရဲတပ်ဖွဲ့ ထုတ်ပြန်ချက်အရ သိရပါတယ်။

ဗုဒ္ဓဟူးနေ့နှောင်းပိုင်းက ယာဉ်အသွားအလာများပြီး မြင်နိုင်စွမ်းနည်းပါးတဲ့ နေရာအနီးမှာ ယာဉ်တိုက်မှု ဖြစ်ပွားခဲ့တာပါ။

ပဏာမ စုံစမ်းစစ်ဆေးမှုတွေအရ မီနီဗန်ကားဟာ နောက်တွဲပါတဲ့ ထရေလာကားနဲ့ ဝင်တိုက်မိချိန်မှာ စက်ယန္တရားကြီးတွေကို တင်ထားပြီး ရပ်ထားတဲ့ တတိယမြောက် ထရပ်ကားကလည်း လမ်းကို ပိတ်ဆို့နေတယ်လို့ ဒေသတွင်း မီဒီယာတွေမှာ ဖော်ပြထားပါတယ်။

အရေးပေါ်ကယ်ဆယ်ရေးအဖွဲ့တွေဟာ အလောင်းတွေကို ပြန်လည်ဆယ်ယူခဲ့ပြီး ဒဏ်ရာရသူတွေကို နီးစပ်ရာ ကျန်းမာရေးဌာနတွေဆီ ပို့ဆောင်ပေးခဲ့ပါတယ်။

အဲဒီမတော်တဆမှုကို စုံစမ်းနေဆဲဖြစ်ပြီး ရဲတပ်ဖွဲ့က နောက်တွဲယာဉ်မောင်းကို ဖမ်းဆီးထားကာ ယာဉ်တိုက်မှုဖြစ်ပွားရတဲ့ အကြောင်းအရင်းကို တိတိကျကျ သိရှိနိုင်ဖို့ ဖော်ထုတ် စစ်ဆေးနေပါတယ်။

Source: Reuters