ဂျာမနီနိုင်ငံ၊ မြူးနစ်မြို့ရဲ့ လမ်းမတွေပေါ်မှာ စက်တင်ဘာ ၁၃ ရက်က ရာနဲ့ချီတဲ့ တက်ကြွလှုပ်ရှားသူတွေ ထွက်လာခဲ့ကြပြီး နှစ်စဉ်ကျင်းပမြဲဖြစ်တဲ့ IAA မော်တော်ကားပြပွဲနဲ့ ပိုကြီးတဲ့ကားတွေကို ဒေါသထွက်ကြောင်း ထုတ်ဖော်ပြောဆိုခဲ့ကြပါတယ်။

မြူးနစ် အော်တိုကားပြပွဲရဲ့ ဆက်စပ်ပွဲစဉ်တွေမှာ တက်ကြွလှုပ်ရှားသူတွေက ပိုငယ်တဲ့ ကားတွေနဲ့၊ အများသုံး သယ်ယူပို့ဆောင်ရေးစနစ်တို့ ပိုကောင်းအောင်လုပ်ဖို့လည်း ဆန္ဒပြ တောင်းဆိုခဲ့ကြပါတယ်။

ကားတွေက လိုအပ်တာထက် ၂ ဆပိုကြီးပြီး စစ်မှန်တဲ့ ရွေ့လျားနိုင်မှုနဲ့ အများပြည်သူ သယ်ယူပို့ဆောင်ရေးအတွက် အယူအဆတွေ IAA မှာ မရှိဘူးလို့ အမျိုးသားတယောက်က ပြောပါတယ်။

ဂလိုဘယ်လိုက်ဇေးရှင်း ဆန့်ကျင်ရေးအဖွဲ့ Attac က အာကင်မ် ဟိုက်ယက်က သူ့အဖွဲ့အစည်းဟာ ၂၀၃၅ ခုနှစ်မှာ ဥရောပသမဂ္ဂ နယ်မြေအတွင်း လောင်ကျွမ်းစေတဲ့ အင်ဂျင်တွေအပေါ် တားမြစ်ချက်ကို အခုထိ တွန်းလှန်ဖို့ ကြိုးစားနေတဲ့ ကားကုမ္ပဏီတွေနဲ့ နိုင်ငံရေးသမားတွေကို ဆန့်ကျင်တယ်လို့ ပြောခဲ့ပါတယ်။

ဥရောပရဲ့ အကြီးဆုံးမော်တော်ကား ပြပွဲကြီးဖြစ်တဲ့ မြူးနစ်ကားပြပွဲမှာ အဓိက ကားထုတ်လုပ်သူတွေဟာ သူတို့ရဲ့ နောက်ဆုံးထွက်မော်ဒယ်တွေကို ပြသရင်း EV တွေနဲ့ စျေးသက်သာတဲ့ မော်ဒယ်တွေကို ပြသနေတာပါ။

ဥရောပရဲ့ မော်တော်ကားကဏ္ဍဟာ သူတို့ရဲ့ အိမ်ကွင်း ဥရောပမြေပေါ်မှာတင် အကောက်ခွန် တိုးမြှင့်ခြင်းကနေ ကုန်ကျစရိတ်မြင့်တက်ခြင်းအထိ တရုတ်ကုမ္ပဏီတွေနဲ့ ပြိုင်နေရပါတယ်။

Source: Reuters