ပရီးမီးယားလိဂ်ဆီ တန်းတက်ခွင့်အတွက် ချန်ပီယံရှစ် ပလေးအော့ဖ်ပွဲစဉ်တွေကို ထပ်တိုးကျင်းပဖို့ စီစဉ်နေပါတယ်။
လက်ရှိစည်းမျဉ်းအရဆိုရင် ချန်ပီယံရှစ်မှာ အဆင့် ၁ နဲ့ အဆင့် ၂ ရတဲ့ အသင်းတွေက ပရီးမီးယားလိဂ်ဆီ တိုက်ရိုက်တန်းတက်ခွင့်ရပြီး အဆင့် ၃ ကနေ ၆ အထိ အသင်းတွေက ပလေးအော့ဖ် ဆီမီးဖိုင်နယ် ယှဉ်ပြိုင်ကြရတာပါ။
ပြောင်းလဲကျင်းပဖို့ စီစဉ်နေတဲ့ စည်းမျဉ်းသစ်မှာတော့ အဆင့် ၇ နဲ့ ၈ က အသင်းတွေပါ ပလေးအော့ဖ် ပထမအဆင့်အဖြစ် ယှဉ်ပြိုင်ကစားခွင့်ပေးမှာပါ။
အဆင့် ၅ ရတဲ့အသင်းက အဆင့် ၈ ရတဲ့အသင်းနဲ့ ပလေးအော့ဖ် ပထမအဆင့်အဖြစ် အိမ်ကွင်းမှာ တကျော့တည်း ကစားရမှာဖြစ်ပြီး အဆင့် ၆ ရတဲ့အသင်းက အဆင့် ၇ ရရှိတဲ့အသင်းနဲ့ အလားတူ ယှဉ်ပြိုင်သွားရမှာပါ။
ပလေးအော့ဖ် ပထမအဆင့်မှာ အနိုင်ရတဲ့ ၂ သင်းက အဆင့် ၃ နဲ့ ၄ ရတဲ့ အသင်းတွေနဲ့ လက်ရှိစည်းမျဉ်းအတိုင်း ဆက်လက် ယှဉ်ပြိုင်သွားရမှာဖြစ်ပြီး အနိုင်ရတဲ့ ၂ သင်းက ပလေးအော့ဖ် ဗိုလ်လုပွဲကစားပြီး ပရီးမီးယားလိဂ် တန်းတက်ခွင့်အတွက် ယှဉ်ပြိုင်သွားရမှာ ဖြစ်ပါတယ်။
