ရုရှားနိုင်ငံရဲ့ အကြီးဆုံးလေကြောင်းတိုက်ခိုက်မှု ထိမှန်ခံရပြီး တရက်အကြာ စက်တင်ဘာ ၈ ရက်မှာ ယူကရိန်း အရေးပေါ်ဌာနက ကိယက်ဗ်မြို့တော်မှာရှိတဲ့ အဓိကအစိုးရအိမ်တော်ရဲ့ အပျက်အစီးတွေကို စစ်ဆေးခဲ့ပါတယ်။
ရုရှားရဲ့ တိုက်ခိုက်မှုတွေနဲ့ ပတ်သက်ပြီး ယူကရိန်း စစ်ဦးစီးချုပ် အန်ဒရေ ယာမက်ခ်က အမေရိကန် နိုင်ငံခြားရေးဝန်ကြီး မာကို ရူဘီအိုနဲ့ စက်တင်ဘာ ၈ ရက်မှာ ဆွေးနွေးခဲ့ပါတယ်။
တိုက်ခိုက်ခံရတဲ့ အစိုးရ အိမ်တော်ကို ရုရှား ဒုံးကျည် ထိမှန်ခဲ့တယ်လို့ သူက ပြောပါတယ်။
ယူကရိန်း ဝန်ကြီးချုပ် ယူလီယာ စီဗရီဒန်ကိုက စစ်ပွဲအတွင်း အစိုးရ အိမ်တော်ကို ထိမှန်ခြင်းက ဒါဟာ ပထမဆုံးအကြိမ်ဖြစ်ပြီး မြို့တော်ရဲ့ ကောင်းကောင်း ကာကွယ်ထားတဲ့ အစိတ်အပိုင်းကို သင်္ကေတပြုတဲ့ ထိုးနှက်ချက် ဖြစ်တယ်လို့ ပြောပါတယ်။
ယူကရိန်း အရေးပေါ်ဌာန အကြီးအကဲ အန်ဒရီ ဒါနက်ခ်က ပျက်စီးဆုံးရှုံးမှု အတိုင်းအတာကို အကဲဖြတ်နေတုန်းပဲလို့ ပြောပါတယ်။
သမိုင်းဝင် ပါချာစကီ ခရိုင်မှာရှိတဲ့ မီးလောင်နေတဲ့ အဆောက်အအုံရဲ့ အပေါ်ဆုံးထပ်ကနေ အပြာရောင် ကောင်းကင်ထဲကို မီးခိုးတွေ တက်လာခဲ့ပါတယ်။
ယူကရိန်းမှာ အဆိုးမြင်မှုများ ကြီးထွားလာနေပြီး စစ်ပွဲကို အချိန်မရွေး အမြန်အဆုံးသတ်နိုင်တယ်လို့ မဟာမိတ်တွေကြားမှာ ပြောနေတဲ့ကြားက ဒီတိုက်ခိုက်မှု ဖြစ်လာတာပါ။
တရုတ်နိုင်ငံနဲ့ ဆက်ဆံရေး အားဖြည့်အပြီး ပိုအတင့်ရဲလာတဲ့ ရုရှားသမ္မတ ဗလာဒီမာပူတင်က အပစ်အခတ်ရပ်စဲရေး တောင်းဆိုမှုတွေကို ဆန့်ကျင် တိုက်ခိုက်ခဲ့တာလည်း ဖြစ်ပါတယ်။
Source: Reuters
