ရုရှားနဲ့ တရုတ် ရေငုပ်သင်္ဘောတွေဟာ အာရှ-ပစိဖိတ်ဒေသမှာ ပထမဆုံးအနေနဲ့ ပူးတွဲကင်းလှည့်ခဲ့တယ်လို့ ရုရှားကာကွယ်ရေးဝန်ကြီးဌာနက သြဂုတ် ၂၇ ရက်မှာ သတင်းထုတ်ပြန်ပါတယ်။
ရေငုပ်သင်္ဘောတစင်း ပင်လယ်ပြင်မှာ ခုတ်မောင်းပြီး ဆိပ်ကမ်းဆီ ပြန်ဝင်လာတဲ့ ဗီဒီယိုကိုလည်း ဝန်ကြီးဌာနက ထုတ်ပြန်ခဲ့ပါတယ်။
ဒီဇယ်-လျှပ်စစ် ၂ မျိုးသုံး ရေငုပ်သင်္ဘော “ဗိုဟို့ခ်” ဟာ ဗလာဒီဗိုစတော့မြို့က ပစိဖိတ် ရေတပ်အခြေစိုက်စခန်းဆီ ပြန်ရောက်လာပြီလို့ ဝန်ကြီးဌာနက ပြောပါတယ်။
ဂျပန်ပင်လယ်မှာ “ပင်လယ်ရေကြောင်း အပြန်အလှန် ဆက်ဆံရေး-၂၀၂၅” လို့ နာမည်ပေးထားတဲ့ ရုရှား-တရုတ် ရေတပ်တွေရဲ့ ပူးတွဲစစ်ရေးလေ့ကျင့်မှု ပြီးစီးပြီးတဲ့နောက် ရေအောက်ကင်းလှည့် လုပ်ငန်းတာဝန်ကို သြဂုတ်လအစောပိုင်းမှာ စတင်ခဲ့တာပါ။
ပူးတွဲကင်းလှည့်လုပ်ငန်းတာဝန်ရဲ့ ရည်ရွယ်ချက်က ရုရှားနဲ့ တရုတ်ကြား ရေတပ် ပူးပေါင်းဆောင်ရွက်မှုကို အားကောင်းလာစေဖို့နဲ့ အာရှပစိဖိတ်ဒေသ ငြိမ်းချမ်းရေးနဲ့ တည်ငြိမ်ရေးတို့ကို မြှင့်တင်ဖို့အပြင် နှစ်နိုင်ငံရဲ့ ရေကြောင်းစီးပွားရေးဆိုင်ရာ လှုပ်ရှားမှုတွေကို ကာကွယ်ဖို့ ဖြစ်တယ်လို့ ရုရှားဝန်ကြီးဌာနက ပြောပါတယ်။
Source: Reuters
