မန်ယူကွင်းလယ်လူ ကိုဘီမိန်နူးရဲ့ အခြေအနေကို မက်ဒရစ်မြိုခံ ၂ သင်းဖြစ်တဲ့ ရီးရဲလ်မက်ဒရစ်နဲ့ အက်သလက်တီကို အသင်းတွေက စောင့်ကြည့်နေပါတယ်။
အသက် ၂၀ နှစ်ရှိ အင်္ဂလန်ကွင်းလယ်လူဟာ နည်းပြအာမိုရင် လက်ထက်မှာ ပွဲထွက်ခွင့် မရဖြစ်နေပြီး အရန်ခုံထိုင်နေရတဲ့အပေါ် စိတ်ပျက် လက်ပျက်ဖြစ်နေတယ်လို့ သိရပါတယ်။
ဒီအခြေအနေကို မက်ဒရစ်ကလပ် ၂ သင်းက စောင့်ကြည့်နေပြီး အခွင့်အရေးရတာနဲ့ ခေါ်ယူဖို့ အပြိုင်ကမ်းလှမ်းသွားဖို့ ရှိတယ်လို ဒေးလီးမေးလ်သတင်းမှာ ဖော်ပြပါတယ်။
မိန်နူးကို စာချုပ်သစ်ကမ်းလှမ်းမှုလည်း မရှိသေးတာကြောင့် ကစားသမားဘက်ကလည်း အသင်း ပြောင်းရွှေ့ဖို့ ဆုံးဖြတ်နိုင်တယ်လို့ သိရပါတယ်။
စပိန်နဲ့ ယူရို ၂၀၂၄ ဗိုလ်လုပွဲစဉ်မှာ အင်္ဂလန်အတွက် ပွဲထွက်ကစားခဲ့သူ မိန်နူးဟာ အနာဂတ်မှာ ထွန်းတောက်လာမယ့် ကစားသမားအဖြစ် သတ်မှတ်ခံထားရပေမဲ့ ပေါ်တူဂီနည်းပြ ရူဘင်အာမိုရင်ရဲ့ ၃-၄-၃ ကစားကွက်မှာ ပွဲထွက်ခွင့်ပျောက်ဆုံးနေသူ ဖြစ်ပါတယ်။
Photo:Reuters
