မန်ယူနောက်ခံလူဟောင်း ဗီဒစ်က ကွင်းလယ်ကြယ်ပွင့် မိန်နူးရဲ့ခြေစွမ်းကို ရီးရဲလ်မက်ဒရစ် ကွင်းလယ်ကစားသမား လူကာမိုဒရစ်နဲ့ နှိုင်းယှဉ်ချီးကျူးသွား ပါတယ်။
ဆားဘီးယား နောက်ခံလူဟောင်းဟာ မန်ယူနဲ့ လီဗာပူးတို့ ၂ ဂိုးစီသရေကျတဲ့ပွဲစဉ်ကို ကြည့်ရှုခဲ့ပြီး ကွင်းလယ်ကြယ်ပွင့် မိန်နူးရဲ့ ခြေစွမ်းအပေါ် နှစ်သက်သဘောကျခဲ့တာပါ။
အသက် ၁၈ နှစ်ပဲရှိသေးတဲ့ မိန်နူးဟာ လီဗာပူးအသင်းဘက်ကို လှပသေသပ်တဲ့ အဝေးကန်ချက်နဲ့ သွင်းဂိုးတဂိုးသွင်းယူနိုင်ခဲ့တာပါ။
မိန်နူးဟာ သူ့ရဲ့ နောက်ကွယ်မှာ ပြိုင်ဘက်ကစားသမားတဦးရှိတယ်လို့ အမြဲခံစားရတဲ့ပုံပေါ်ပြီး ပထမဆုံး ဘောလုံးထိချက်တိုင်းဟာ ဘေးကို လှည့်ထွက် ကစားလေ့ရှိကြောင်း၊ ပြိုင်ဘက်တွေအတွက် ထိန်းချုပ်ရခက်ခဲတဲ့ ကစားသမားဖြစ်ပြီး လူကာမိုဒရစ်ရဲ့ ကစားပုံကို အမှတ်ရမိကြောင်း ဗီဒစ်က ချီးကျူးပါတယ်။
မန်ယူတိုက်စစ်မှူးဟောင်းဝိန်းရွန်းနီကတော့ မိန်နူးကို ကွင်းလယ်တိုက်စစ်နေရာမှာ ထားပြီးတော့လည်း ကစားနိုင်ကြောင်း သုံးသပ်သွားပါတယ်။
Photo-Reuters
