ချဲလ်ဆီးအသင်းဟာ ဘာစီလိုနာကွင်းလယ်ကြယ်ပွင့် ဖာမင်လိုပက်ဇ်ကို ခေါ်ယူသွားဖို့ စီစဉ်နေပါတယ်။
အသက် ၂၂ နှစ်ပဲရှိသေးတဲ့ စပိန်လက်ရွေးစင်ကစားသမားဟာ ဘာစီလိုနာမှာ ပွဲထွက်ကစားနေသူဖြစ်ပြီး မနှစ်က စုစုပေါင်း ၄၆ ပွဲအထိ ကစားခဲ့ပြီး ၈ ဂိုးသွင်းကာ ၁၀ ကြိမ် ဂိုးဖန်တီးမှု ပြုလုပ်နိုင်ခဲ့သူပါ။
လိုပက်ဇ်ဟာ အခုနှစ် လာလီဂါအဖွင့်မှာ ၄၅ မိနစ်သာ ကစားခဲ့ရပြီး လီဗန်တေးနဲ့ ဒုတိယပွဲစဉ်မှာ အရန်ခုံထိုင်ခဲ့ရပြီးနောက် ချဲလ်ဆီးအသင်းက ခေါ်ယူဖို့ ပြင်ဆင်လာခဲ့တာပါ။
ဘာစီလိုနာအသင်းဟာ လာလီဂါပွဲစဉ် ၂ မှာ ပတ်ဒရီနဲ့ ကာဆာဒို ကွင်းလယ်အတွဲကို ပွဲထွက်စေခဲ့ပြီး ဂါဘီ၊ ဒီယောင်၊ အော်လ်မိုနဲ့ မက်ဘာနယ်တို့လည်း အရန်သင့်ရှိနေတာကြောင့် လိုပက်ဇ်အတွက် ထိုက်သင့်တဲ့ ပြောင်းရွှေ့ကြေး ရမယ်ဆိုရင် ရောင်းချဖို့ စဉ်းစားနိုင်ပါတယ်။
လိုပက်ဇ်ကို ပေါင် ၄၃ သန်းလောက် ပေးချေမယ်ဆိုရင် အဆင်ပြေနိုင်ပြီး ဘဏ္ဍာရေးအခက်အခဲတွေ ရှိနေတဲ့ ဘာစီလိုနာဘက်က လက်ခံသွားဖို့ ရှိပါတယ်။
ဒါပေမဲ့ သြဂုတ် ၂၆ ရက်အထိတော့ ချဲလ်ဆီးဘက်က တရာဝင်ကမ်းလှမ်းမှု လုပ်ဆောင်ခြင်း မရှိသေးဘူးလို့ သိရပါတယ်။
