ချဲလ်ဆီးကွင်းလယ်လူဟောင်း ဂယ်လဂါကို ပြန်ခေါ်ရန် ခရစ္စတယ်ပဲလေ့ ဆွေးနွေး
DVB
·
August 26, 2025
ခရစ္စတယ်ပဲလေ့အသင်းဟာ ချဲလ်ဆီးကွင်းလယ်လူဟောင်း ကော်နာဂယ်လဂါကို ခေါ်ယူဖို့ ဆွေးနွေးနေပါတယ်။
အင်္ဂလန်ကွင်းလယ်လူဟာ မနှစ်ကရာသီကမှ ချဲလ်ဆီးကနေ အက်သလက်တီကိုမက်ဒရစ် အသင်းဆီ ပြောင်းရွှေ့ကစားခဲ့ပြီး တရာသီကြာပြီးနောက် အင်္ဂလန်ပရီးမီးယားလိဂ်ဆီ ပြန်လာဖို့ လမ်းပွင့်လာခဲ့တာပါ။
ပဲလေ့ဟာ အာဆင်နယ်ဆီ ရောင်းချခဲ့တဲ့ အက်ဇေးရဲ့နေရာမှာ ဂယ်လဂါနဲ့ အစားထိုးဖို့ စီစဉ်နေတာဖြစ်ပြီး အပြောင်းအရွှေ့မပိတ်ခင် ခေါ်ယူနိုင်ဖို့ ညှိနှိုင်းနေတာပါ။
ဂယ်လဂါဟာ ချဲလ်ဆီးမှာ ပွဲထွက်ခွင့်မရခင် ၂၀၂၁ ခုနှစ်က ခရစ္စတယ်ပဲလေ့အသင်းမှာ အငှားထွက် ကစားခဲ့ဖူးပြီး ခြေစွမ်းပြသနိုင်ခဲ့သူပါ။
အင်္ဂလန်ကွင်းလယ်လူဟာ မနှစ်က အက်သလက်တီကိုအတွက် ၄၇ ပွဲအထိ ကစားခဲ့ပြီး ၄ ဂိုးသွင်း ၆ ကြိမ် ဂိုးဖန်တီးနိုင်ခဲ့ပါတယ်။
