အပြောင်းအရွှေ့မပိတ်ခင် တိုက်စစ်မှူးသစ် မခေါ်ယူနိုင်ဘူးဆိုရင် ကွင်းလယ်ကစားသမား ဖလော်ရီယန်ဗက်ဇ်ကို အသုံးပြုသွားမယ်လို့ လီဗာပူးနည်းပြ အာနဲစလော့က ပြောသွားပါတယ်။
လီဗာပူးအသင်းဟာ နယူးကာဆယ်တိုက်စစ်မှူး အီဆက်ခ်ကို ပေါင်သန်း ၁၁၀ လောက်နဲ့ ကမ်းလှမ်းထားပြီး ကစားသမားဘက်ကလည်း အသင်းပြောင်းရွှေ့လိုပေမဲ့ နယူးကာဆယ်ဘက်က ပယ်ချထားတာပါ။
တိုက်စစ်မှူးသစ် မခေါ်နိုင်ဘူးဆိုရင် ကွင်းလယ်က ဖလော်ရီယန်ဗက်စ်ကို ထည့်သွင်း အသုံးပြုနိုင်ပြီး တိုက်စစ်ကစားသမား ၅ ယောက် ရရှိမှာဖြစ်ကြောင်း၊ ညာနောက်ခံလူ ဖရင်ပေါင်ဟာလည်း လိုအပ်မယ်ဆိုရင် တောင်ပံတိုက်စစ်နေရာမှာ အသုံးပြုနိုင်လို့ တိုက်စစ်ကစားသမား ၆ ယောက် ရှိတယ်လို့ ဆိုနိုင်ကြောင်း နည်းပြ စလော့က ပြောပါတယ်။
လီဗာပူးဟာ အခုနှစ် ဒီဇင်ဘာလမှာ အဓိကတိုက်စစ် ကစားသမား မိုဆာလာကို အာဖရိက ဖလားဆီ စေလွှတ်ပေးရမှာဖြစ်ပြီး အသင်းရဲ့ ပွဲစဉ် ၇ ပွဲလောက် လွဲချော်ဖို့ရှိနေတာ ဖြစ်ပါတယ်။
