စစ်ပွဲကာလ ယူကရိန်းနိုင်ငံသားတွေရဲ့ သတ္တိကို ချီးကျူးကြောင်း လွတ်လပ်ရေးနေ့ ရုပ်သံမိန့်ခွန်းမှာ သမ္မတ ဇလန်းစကီးက ပြောပါတယ်။ 

အဲ့ဒီရုပ်သံမိန့်ခွန်းမှာ ဇလန်းစကီးဟာ ကိဗ်ယက်မြို့လယ်မှာရှိတဲ့ မိုင်ဒန်ရင်ပြင်မှာ ပြောကြားခဲ့တာဖြစ်ပြီး ယူကရိန်းနိုင်ငံကို မဟာမိတ်အဖွဲ့တွေကလည်း အားကောင်းတဲ့ မဟာမိတ်နိုင်ငံအဖြစ် အသိအမှတ်ပြုကြတယ်လို့ ဆိုပါတယ်။ 

“ယူကရိန်းစစ်သားတွေ၊ လုပ်အားပေးတွေ၊ ဆရာဝန်တွေ၊ ကယ်ဆယ်ရေးသမားတွေ၊ ဆရာတွေ၊ လူငယ်တွေ၊ လူကြီးတွေ စတဲ့ ကျနော်တို့ နိုင်ငံသားတွေအားလုံး စည်းလုံးမှုအတွက် ကျေးဇူးတင်ပါတယ်” လို့ ဇလန်းစကီးက ရုပ်သံမိန့်ခွန်းထဲမှာ ပြောကြားခဲ့ပါတယ်။ 

ယူကရိန်းနိုင်ငံဟာ ၁၉၉၁ ခုနှစ် ဩဂုတ် ၂၄ ရက်နေ့မှည ဆိုဗီယက်ပြည်ထောင်စုကနေ လွတ်လပ်ရေးရရှိကြောင်း ကြေညာခဲ့တာဖြစ်ပါတယ်။ 

ယူကရိန်းဟာ လွတ်လပ်ရေးနေ့မရောက်မီညက ရုရှားရဲ့ နျူစွမ်းအင်သုံးစက်ရုံတွေကို ဒရုန်းနဲ့တိုက်ခိုက်ခဲ့တယ်လို့ ရုရှားက အပြစ်တင်ခဲ့ပါတယ်။ 

ကတ်ဒေသအနောက်ပိုင်းမှာ ရှိတဲ့ နျူစွမ်းအင်သုံးစက်ရုံ မီးလောင်ခဲ့ပြီး ရုရှားရဲ့ လျှပ်စစ်နဲ့ စွမ်းအင်ပစ္စည်းတွေ အများအပြားဆုံးရှုံးခဲ့တယ်လို့လည်း ဆိုပါတယ်။ 

ရုရှားရဲ့ စွပ်စွဲချက်ကို ယူကရိန်းက မှတ်ချက်ပေးတာမျိုးတော့ မရှိသေးပါဘူး။ ဒီတိုက်ခိုက်မှုမှာ လူသေဆုံးမှုနဲ့ ဒဏ်ရာရမှုမရှိခဲ့သလို မီးလောင်မှုကိုလည်း အမြန်ငြိမ်းသတ်နိုင်ခဲ့ပါတယ်။ တိုက်ခိုက်မှုကြောင့် ထရမ်စဖော်မာတစ်လုံး ပျက်စီးခဲ့ပြီး ရေဒီယိုသတ္တိကြွမှုလည်း ပုံမှန်အဆင့်သာရှိခဲ့တယ်လို့ တယ်လီဂရမ်မှာ ဖော်ပြထားပါတယ်။ 

အဲ့ဒီဒေသ အုပ်ချုပ်ရေးမှူးက ယူကရိန်း ဒရုန်း ၁၀ စင်းကို ပစ်ချခဲ့တယ်လို့ ဆိုပါတယ်။ 

ကုလသမဂ္ဂ နိုင်ငံတကာ အနုမြူစွမ်းအင်အေဂျင်စီ (IAEA) က စစ်ပွဲအတွင်းမှာ နျူကလီးယားစွမ်းအင်သုံးအဆောက်အအုံတွေကို မတိုက်ခိုက်ဖို့ ၂ နိုင်ငံလုံးကို အကြိမ်ကြိမ်ပြောထားတယ်လို့ သတင်းတွေက ဖော်ပြပါတယ်။

Source: Reuters