ကျူးကျော်သူတွေကို မိမိတို့ပိုင်ဆိုင်တဲ့နယ်မြေတွေကို လက်ဆောင်ပေးမှာမဟုတ်ဘူးလို့ ယူကရိန်းသမ္မတ ဇလန်းစကီးက အမျိုးသားအလံနေ့မှာ ပြောပါတယ်။
ယူကရိန်းနိုင်ငံမှာ လွတ်လပ်ရေးနေ့မရောက်မီ အမျိုးသားအလံနေ့ကိုကျင်းပတာဖြစ်ပြီး နိုင်ငံရဲ့ ထိပ်တန်းအရာရှိတွေ တက်ရောက်ခဲ့ပါတယ်။
အမျိုးသားအလံနေ့ကို ၂၀၀၄ ခုနှစ်က စလို့ နှစ်စဉ် ဩဂုတ် ၂၃ ရက်မှာ ကျင်းပလေ့ရှိပါတယ်။
သောကြာနေ့ကလည်း ဇလန်းစကီးက ရုရှားသမ္မတ ပူတင်နဲ့ ၂ ဦးချင်းတွေ့ဆုံဖို့ တိုက်တွန်းခဲ့ပြီး ငြိမ်းချမ်းရေးအတွက် ရုရှားကစိတ်ဝင်စားပုံမပြဘူးဆိုရင် ပိတ်ဆို့မှုအသစ်တွေ ထပ်လုပ်ဖို့ မဟာမိတ်တွေကို တိုက်တွန်းထားပါတယ်။
အမေရိကန်သမ္မတဒေါ်နယ်ထရမ့်ပ်ကလည်း ၂ ပတ်အတွင်း ငြိမ်းချမ်းရေးအတွက် ဆွေးနွေးမှု မတိုးတက်ရင် ရုရှားကို ပိတ်ဆို့မှုအသစ်တွေ ပြုလုပ်မယ်လို့ ထပ်မံခြိမ်းခြောက်ခဲ့ပါတယ်။
အလစကာမှာ ပူတင်နဲ့တွေ့ဆုံခဲ့ပြီး ၁ ပတ်အကြာမှာ ထရမ့်ပ်ရဲ့ စိတ်ပျက်မှုကို ပြသတာဖြစ်တယ်လို့ ရိုက်တာက ဖော်ပြပါတယ်။
ရုရှားနိုင်ငံခြားရေးဝန်ကြီးက တွေ့ဆုံပွဲအတွက်လုပ်ငန်းတွေ အသင့်မဖြစ်သေးဘူးလို့ ပြောထားချိန်မှာ ပူတင်နဲ့တွေ့ဆုံပွဲကို ရုရုားက နည်းမျိုးစုံနဲ့ မဖြစ်အောင်လုပ်နေတယ်လို့လည်း ဇလန်းစကီးက ပြောထားပါတယ်။
ယူကရိန်း-ရုရှားစစ် အဆုံးသတ်မယ့် တခုတည်းသောနည်းလမ်းက ပူတင်နဲ့သူ တွေ့ဆုံဖို့ လိုအပ်ကြောင်း ဇလန်းစကီးက ထပ်မံပြောဆိုထားပါတယ်။
Source:Reuters
