MNDAA ကိုးကန့်တပ်ထိန်းချုပ်ထားတဲ့ ရှမ်းပြည်နယ်မြောက်ပိုင်း၊ သိန္နီမြို့က ပြည်သူတွေဟာ အာဏာသိမ်းစစ်တပ်ကို မြို့ပြန်လွှဲပေးနိုင်မလားဆိုတဲ့ ကိစ္စကိုပဲ အဓိက စိတ်ဝင်စားပြီး စောင့်ကြည့်နေကြတယ်လို့ ဒေသခံတွေကေ ပြာပါတယ်။ 

အာဏာသိမ်းစစ်တပ်ရဲ့ အမှတ် ၁၆ စစ်ဆင်ရေးနဲ့ ကွပ်ကဲရေးဌာနချုပ်တည်ရှိရာ သိန္နီမြို့ကို MNDAA ကိုးကန့်တပ်နဲ့ နွေဦးတော်လှန်ရေးတပ်တွေက ၁၀၂၇ စစ်ဆင်ရေးမှာ တိုက်ခိုက်သိမ်းပိုက်ပြီး ထိန်းချုပ်ထားတာဆိုရင် ၁ နှစ်ကျော်ပြီ ဖြစ်ပါတယ်။

အဲ့ဒီသိန္နီမြို့ဟာ မြန်မာ-တရုတ်ကုန်သွယ်ရေးလမ်းကြောင်းပေါ်မှာ တည်ရှိတာကြောင့် အာဏာသိမ်းစစ်တပ်ဟာ တရုတ်နိုင်ငံရဲ့ အကူအညီနဲ့ ပြန်ရယူဖို့ လုပ်နေတာပါ။

တရုတ်နိုင်ငံရဲ့ ကြားဝင်မှုကြောင့် MNDAA ကိုးကန့်တပ်ဟာ သိန္နီမြို့ကို စစ်တပ်လက်ထဲ ပြန်လွှဲပြောင်းပေးမလားဆိုတာကို မြို့ခံတွေက အဓိကထား စောင့်ကြည့်နေကြတယ်လို့ ဒေသခံတွေက ဆိုပါတယ်။

သြဂုတ် ၁၄ ရက်က အာဏာသိမ်းစစ်တပ်နဲ့ ကိုးကန့်တပ်တို့ လားရှိုးမြို့မှာ တွေ့ဆုံညှိနှိုင်းမှုတွေ လုပ်ခဲ့တာရှိပါတယ်။

အဲ့ဒီ ညှိနှိုင်းမှုဟာ အဆင်မပြေသေးတာရှိပေမယ့်မဲ့ ကိုးကန့်ထိန်းချုပ်ထားတဲ့ သိန္နီမြို့မှာတော့ ဆောက်လုပ်ရေးလုပ်ငန်းတွေနဲ့ အရောင်းအဝယ်တွေကတော့ ပုံမှန်အတိုင်းပဲ ရှိနေသေးတယ်လို့ မြို့ခံတယောက်က ပြောပါတယ်။

MNDAA ကိုးကန့်တပ်နဲ့ နွေဦးတော်လှန်ရေးတပ်ဖွဲ့တွေက ၁၀၂၇ စစ်ဆင်ရေးအတွင်း သိမ်းယူထိန်းချုပ်ထားတဲ့ ရှမ်းပြည်နယ်မြောက်ပိုင်းရဲ့မြို့တော် လားရှိုးမြို့ကို တရုတ်နိုင်ငံရဲ့ ဖိအားပေးမှုကြောင့် အာဏာသိမ်းစစ်တပ်ကို အခုနှစ် ဧပြီလမှာ ပြန်လွှဲပြောင်းပေးခဲ့ရပါတယ်။

ဆက်လက်ပြီးလည်း သိန္နီမြို့ကို တရုတ်နိုင်ငံကြားဝင်မှုနဲ့ ကိုးကန့်တပ်က အာဏာသိမ်းစစ်တပ်ကို ပြန်လည်လွှဲ ပြောင်းမယ်လို့ သတင်းတွေဟာလည်း ဒေသတွင်းမှာ ထွက်ပေါ်နေတာပါတယ်။