မြောက်ကိုရီးယားခေါင်းဆောင် ကင်မ်ဂျုံအန်းဟာ နိုင်ငံခြားစစ်ဆင်ရေးမှာ ပါဝင်ခဲ့တဲ့ စစ်တပ်အရာရှိ တွေနဲ့ အစည်းအဝေးမှာ ယူကရိန်းကို တိုက်ခိုက်တဲ့စစ်ပွဲမှာ ရုရှားအတွက် တိုက်ပွဲဝင်ခဲ့တဲ့ မြောက်ကိုရီးယား တပ်ဖွဲ့ဝင်တွေကို သူရဲကောင်းတွေ လို့ ချီးကျူးပြောဆိုခဲ့ကြောင်း နိုင်ငံပိုင်မီဒီယာ KCNA က သြဂုတ် ၂၁ ရက်မှာ ဖော်ပြပါတယ်။
သြဂုတ် ၂၀ ရက်မှာ KCNA မှ ရိုက်ကူးထားတဲ့ ဓာတ်ပုံတွေမှာ အစည်းအဝေးအတွင်း ကင်မ်ဂျုံအန်းက စစ်အရာရှိတွေနဲ့ နှုတ်ဆက်ကာ စကားပြောဆိုနေတာကို ပြသခဲ့ပါတယ်။
ကင်မ်ဂျုံအန်း ရုရှားဖက်ဒရေးရှင်းရဲ့ ကာ့စ်ခ်ဒေသလွတ်မြောက်ရေး စစ်ဆင်ရေးမှာ ပါဝင်ခဲ့တဲ့ မြောက်ကိုရီးယားစစ်တပ်ရဲ့ တိုက်ခိုက်ရေးတပ်ဖွဲ့တွေကို ဦးဆောင်နိုင်ခဲ့တဲ့ သူတို့ရဲ့အောင်ပွဲ စွမ်းဆောင်မှုတွေကို အလွန်အမင်း ချီးမွမ်းခဲ့တယ်လို့ KCNA က ထုတ်ပြန်ပါတယ်။
အရင်က ကင်မ်ဂျုံအန်းဟာ ယူကရိန်းစစ်ပွဲမှာ ကျဆုံးသွားခဲ့တဲ့ မြောက်ကိုရီးယားစစ်သားတွေကို ဂါရဝပြုခဲ့ပြီး ရှားရှားပါးပါး အပြုအမူအနေနဲ့ သူတို့ရဲ့ ခေါင်းတလားပေါ်မှာ နိုင်ငံတော်အလံ လွှမ်းအုပ်ထားပြီးတော့ အဲဒီအပေါ်မှာ လက် ၂ ဖက်စလုံးကို တင်ခဲ့ပါတယ်။
မြောက်ကိုရီးယားဟာ ရုရှားရဲ့ ယူကရိန်းစစ်ပွဲကို ကူညီထောက်ပံ့ဖို့ တပ်ဖွဲ့ဝင် ၁၀,၀၀၀ ကျော်ကို နောက်ထပ် စေလွှတ်ထားပြီး ဒါဟာနောက်ထပ် တပ်ဖြန့်ချဖို့ စီစဉ်နေတယ်လို့ ယူဆရကြောင်း တောင်ကိုရီးယား ထောက်လှမ်းရေးရဲ့ အကဲဖြတ်ချက်အရ သိရပါတယ်။
Source:Reuters
