မက္ကဆီကိုနိုင်ငံအလယ်ပိုင်း၊ လက်စ်ကာလာပြည်နယ်၊ အီစတာကွေးစလာဒေသန္တရ အုပ်ချုပ်ရေးနယ်ရှိ  အဝေးပြေးလမ်းမတလျှောက်မှာ   သြဂုတ် ၁၉ ရက် အစောပိုင်းက လူခေါင်း ၆ လုံးကို အာဏာပိုင်တွေက ရှာဖွေတွေ့ရှိပြီးတဲ့နောက် စတင် စုံစမ်းစစ်ဆေးနေပါတယ်။ 

ရာဇ၀တ်ဂိုဏ်း တခုက လက်မှတ်ရေးထိုးထားတဲ့ ခြိမ်းခြောက်စာတွေပါတဲ့ နဖူးစည်းစာတန်းနဲ့အတူ အရေခွံခွာထားတဲ့ လက္ခဏာတွေပါတဲ့ ခေါင်းပြတ်တွေကို တွေ့ရတယ်လို့ ဒေသဆိုင်ရာ မီဒီယာတွေ က ဖော်ပြခဲ့ပါတယ်။

မှုခင်းဆေးပညာအဖွဲ့တွေက စုံစမ်းစစ်ဆေးနေချိန်မှာ အမျိုးသားအစောင့်တပ်နဲ့ မက္ကဆီကိုစစ်တပ်တို့ အပါအဝင် ဒေသတွင်းနဲ့ ပြည်ထောင်စု လုံခြုံရေးတပ်ဖွဲ့တွေက ဧရိယာကို လုံခြုံရေး ယူပေးခဲ့ပါတယ်။

လက်စ်ကာလာပြည်နယ် ရှေ့နေချုပ်ရုံးက မှုခင်းဆေးပညာအဖွဲ့တွေ ဟာ DNA စစ်ဆေးခြင်းနဲ့ သွားဘက်ဆိုင်ရာမှတ်တမ်းတွေကတဆင့် သေဆုံးသူတွေ ဘယ်သူဘယ်ဝါ ဆိုတာကို ဖော်ထုတ်ဖို့ ကြိုးစားနေတယ်လို့ အတည်ပြုခဲ့ပါတယ်။ 

ခြိမ်းခြောက်တဲ့ နဖူးစည်းစာတန်း ဒါမှမဟုတ် ရာဇ၀တ်ဂိုဏ်းမှာ တာဝန်ရှိတယ်လို့ စွပ်စွဲခံထားရတဲ့ အကြောင်းအရာတွေနဲ့ပတ်သက်ပြီး တာဝန်ရှိသူတွေက အသေးစိတ် အချက်အလက်တွေကို မထုတ်ပြန်သေးပါဘူး။ 

ဒီဖြစ်စဉ်နဲ့ပတ်သက်ပြီး အဖမ်းအဆီးလည်း မရှိသေးပါဘူး။ သေဆုံးသူတွေနဲ့ ပတ်သက်တဲ့ အခြေအနေတွေကို ဆုံးဖြတ်ဖို့နဲ့ တာဝန်ရှိသူတွေကို ဖော်ထုတ်ဖို့ အာဏာပိုင်တွေက စုံစမ်းစစ်ဆေးမှုတွေကို ဆက်ပြီး ဆောင်ရွက်နေပါတယ်။

Source:Reuters