အမေရိကန် ဖက်ဒရယ်အစိုးရရဲ့ စုစုပေါင်း အများပြည်သူကြွေးမြီဟာ ဩဂုတ် ၁၂ ရက် မွန်းလွဲပိုင်းအထိ ပထမဆုံးအကြိမ်အဖြစ် အမေရိကန်ဒေါ်လာ ၃၇ ထရီလီယံ ကျော်သွားပြီဖြစ်ကြောင်း ဘဏ္ဍာရေးဌာနက ထုတ်ပြန်ထားပါတယ်။

ဩဂုတ် ၁၂ ရက်  မွန်းလွဲပိုင်းအထိ စုစုပေါင်း နိုင်ငံတော်ကြွေးမြီဟာ ၃၇ ထရီလီယံ ၄ ဘီလီယံ ၈၁၇ သန်း ၆၂၅,၈၄၂ ဒေါ်လာနဲ့ ၅၆ ဆင့်အထိ ရှိခဲ့ကြောင်း ဘဏ္ဍာရေးဌာနရဲ့ နောက်ဆုံးအချက်အလက်တွေအရ သိရပါတယ်။

အမေရိကန်ဘဏ္ဍာရေးနှစ် အခြေအနေဟာ မညီမျှဘူးလို့ တာဝန်ရှိ ဖက်ဒရယ်ဘတ်ဂျက် ကော်မတီ ဥက္ကဋ္ဌ မာယာ မက်ဂီးနီးယာ့စ်က ပြောပါတယ်။

ပိုဆိုးတာက ဒီနှစ်တနှစ်တည်းမှာ အတိုးစရိတ်အတွက် အမေရိကန်ဒေါ်လာ ၁ ထရီလီယံ သုံးစွဲခဲ့ပြီး အခုအခါ ကာကွယ်ရေးအသုံးစရိတ်နဲ့ ကျန်းမာရေးအာမခံတို့ထက် ဖက်ဒရယ်ဘတ်ဂျက်မှာ ဒုတိယအကြီးဆုံး အသုံးစရိတ် ဖြစ်လာပြီလို့ ဆိုပါတယ်။

ဖက်ဒရယ်အစိုးရဟာ အဲဒီပြဿနာကို ဖြေရှင်းရမယ့် လုပ်ငန်းတွေကို မလုပ်ဆောင်ခဲ့တာကြောင့် အခြေအနေကို ပိုဆိုးအောင် လုပ်ခွင့်ပေးလိုက်တာပဲလို့လည်း မာယာ မက်ဂီးနီးယာ့စ်က အလေးပေး ပြောကြားခဲ့ပါတယ်။

Source: Reuters