သြဂုတ် ၁၅ ရက် မနက်က ယှဉ်ပြိုင်သွားတဲ့ ဥရောပစူပါဖလားမှာ ပီအက်စ်ဂျီက စပါးအသင်းကို ပင်နယ်တီ အဆုံးအဖြတ်မှာ အနိုင်ရပြီး ပထမဆုံးအကြိမ် ချန်ပီယံဆု ရယူနိုင်ခဲ့ပါတယ်။

စပါးအသင်းက နောက်ခံလူ ၂ ယောက်ဖြစ်တဲ့ ဗန်ဒီဗန်နဲ့ ရိုမဲရိုးတို့ရဲ့ သွင်းဂိုး ၂ ဂိုးနဲ့ စတင်ဦးဆောင်နိုင်ခဲ့ပေမဲ့ ပီအက်စ်ဂျီက ပွဲချိန် ၈၅ မိနစ်နဲ့ ၉၄ မိနစ်တွေမှာ ချေပဂိုးတွေ ပြန်သွင်းနိုင်ခဲ့တာပါ။

တဖက် ၂ ဂိုးစီ သရေကျနေလို့ ပင်နယ်တီအဆုံးအဖြတ် ခံယူရာမှာ ပီအက်စ်ဂျီက ၄ ဂိုး ၃ ဂိုးနဲ့ အနိုင်ရသွားတာပါ။

မနှစ်ကရာသီက ဥရောပချန်ပီယံလိဂ်ဆုဖလားကို ပထမဆုံးအကြိမ် ရယူပြီးနောက် ယူရိုပါလိဂ်ချန်ပီယံ စပါးအသင်းကို အနိုင်ယူပြီး သမိုင်းတလျှောက် ပထမဆုံးအကြိမ် ဥရောပစူပါဖလား ရယူနိုင်ခဲ့တာ ဖြစ်ပါတယ်။