ဘင်္ဂလားဒေ့ရှ်နိုင်ငံ ဝန်ကြီးချုပ်ဟောင်း ရှိတ်ခ်ဟာစီနာနဲ့ သူ့မိသားစုဝင် အများအပြားကို ဒါကာခရိုင် စက်ရှင်တရားသူကြီး တရားရုံးမှာ သြဂုတ် ၁၁ ရက်က စတင်ပြီး ရုံးတင်စစ်ဆေးနေပါတယ်။
ရုံးတင်စစ်ဆေးတဲ့ အဖွင့်နေ့မှာပဲ သူတို့မိသားစုနဲ့ပတ်သက်တဲ့ အမှု ၃ ခုထက်မနည်းအတွက် သက်သေတွေကို တရားရုံးက စစ်ဆေး ကြားနာခဲ့ပါတယ်။
ဘင်္ဂလားဒေ့ရှ်နိုင်ငံကို ၁၅ နှစ်ကျော် အုပ်ချုပ်ခဲ့တဲ့ ဟာစီနာက ဝန်ကြီးချုပ်ရာထူးကနေ နုတ်ထွက်ပြီး အိမ်နီးချင်း အိန္ဒိယနိုင်ငံဆီ ထွက်ပြေးဖို့ ကျောင်းသားခေါင်းဆောင်တဲ့ လူထုအုံကြွမှုက တွန်းအားပေးခဲ့တာပါ။
အမှုတွေထဲမှာ ပါဘာချယ်မြို့သစ် စီမံကိန်းအောက်ကနေ အစိုးရမြေကွက်တွေကို ခွဲဝေရာမှာ မမှန်ကန်ဘူးဆိုတဲ့ စွပ်စွဲချက်တွေ ပါပါတယ်။
ဟာစီနာနဲ့ သူ့မိသားစုကို မျက်ကွယ်မှာ တရားစီရင်ခဲ့ပေမဲ့ ဘင်္ဂလားဒေ့ရှ်နိုင်ငံသား အများအပြားက အချိန်လွန် တရားမျှတမှုလို့ သူတို့ခေါင်းစဉ်တပ်ထားတဲ့အရာကို စိတ်အားထက်ထက်သန်သန် စောင့်ဆိုင်းနေကြပါတယ်။
ဒါကာ တက္ကသိုလ် ကျောင်းသားသမဂ္ဂခေါင်းဆောင် နူဇီယာ ဟာဆင် ရာရှာက “ကျနော်တို့က မှန်ကန်တဲ့ တရားမျှတမှုကို လိုချင်တယ်။ သိမ်းယူထားတဲ့ ငွေတွေကို ဘင်္ဂလားဒေ့ရှ်ကို ပြန်ပေးစေချင်တယ်” လို့ ပြောပါတယ်။
သူဟာ သူ့ဆန္ဒအတိုင်း တိုင်းပြည်ကနေ ထွက်သွားပြီး နောင်တဆိုတာ မရှိဘူးလို့ တက္ကသိုလ်ကျောင်းသား ရာဟဒ် အာမဒ်က ပြောပါတယ်။
“ဒါကြောင့် သူမရှိတဲ့အချိန်မှာ ရုံးတင်စစ်ဆေးတာ အဆင်ပြေတယ်လို့ ကျနော်ထင်ပါတယ်” လို့လည်း သူက ဆက်ပြောခဲ့ပါတယ်။
Source: Reuters
